Institute of Archaeology and Ethnography NAS RA - Սեմինարներ

«ՀԱՅԿԱԿԱՆ ՍՓՅՈՒՌՔԻ ՆԵՐՈՒԺԻ ՈՒՍՈՒՄՆԱՍԻՐՄԱՆ ԵՎ ՔԱՐՏԵԶԱԳՐՄԱՆ ՄՈԴԵԼԻ ՄՇԱԿՈՒՄԸ» թեմայով միջազգային սեմինար-քննարկում

Ռոման Հովսեփյան — Wed, 16 Sep 2020 15:18:00 +0000

Thu, 09/17/2020 - 12:00 to 19:15

ՀՀ ԳԱԱ ՀՆԱԳԻՏՈՒԹՅԱՆ ԵՎ ԱԶԳԱԳՐՈՒԹՅԱՆ ԻՆՍՏԻՏՈՒՏԻ

ՍՓՅՈՒՌՔԻ ՀԵՏԱԶՈՏՈՒԹՅՈՒՆՆԵՐԻ ԲԱԺԻՆԸ

հրավիրում է մասնակցելու «ՀԱՅԿԱԿԱՆ ՍՓՅՈՒՌՔԻ ՆԵՐՈՒԺԻ ՈՒՍՈՒՄՆԱՍԻՐՄԱՆ ԵՎ ՔԱՐՏԵԶԱԳՐՄԱՆ ՄՈԴԵԼԻ ՄՇԱԿՈՒՄԸ» թեմայով միջազգային սեմինար-քննարկմանը

17 սեպտեմբերի, 2020 թ., Երևանի ժամանակով ժ. 12:00

Սեմինար-քննարկումը կվարի Սփյուռքի հետազոտությունների բաժնի ղեկավար պ.գ.դ. Ռ. Կարապետյանը:

Մասնակիցներ՝

Երևան – սփյուռքի հետազոտությունների բաժնի աշխատակիցներ, Պավել Ավետիսյան, Արմեն Ոսկանյան, Վարդան Սահակյան ,

Ալմաթի - Արամ Նավասարդյան,

Բեյրութ -Անդրանիկ Դաքեսյան, Փոլ Հայդոստյան,

Բեռլին - Հայկ Մարտիրոսյան,

Կիև - Ելենա Օգանեսյան,

Մարսել -Պատրիկ Տոնապետյան,

Պոզնան - Գոռ Մարտիրոսյան,

Պրահա -Արմինե Սաղաթելյան,

Վլադիկավկազ - Սամվել Մելիքսետյան,

Փարիզ -Ռենե Լևոնյան:

Սեմինար-քննարկման ընդհանուր ակնարկ

Ներկայումս հայկական սփյուռքը կրում է արմատական փոփոխություններ, որոնք ազդում են ողջ ազգի կենսագործունեության տարբեր կողմերի վրա: Այս համատեքստում սփյուռքում ընթացող փոփոխությունները կրում են ավելի խորքային բնույթ, քանզի հայ ազգի գոյակցության պայմանները տարբեր միջավայրերում բավականին բազմազան են և առաջացնում են բազմաթիվ մարտահրավերներ` էթնիկության վերարտադրման և ինքնության պահպանման ճանապարհին: Սեմինար-քննարկման մասնակիցներին ներկայացվել է «Հայկական սփյուռքի ներուժի ուսումնասիրման և քարտեզագրման մոդելի մշակումը» ծրագրի բովանդակությունը, որի դրույթների քննարկումը նախատեսվում է հեռասեմինարի աշխատանքի ընթացքում:

Քննարկվող թեմաների շրջանակներ

Սփյուռքի ներուժի մոդելավորման խնդիրները
Սփյուռքի ներուժի բացահայտման, ուսումնասիրության մեթոդաբանությունը
Ծրագրի իրականացման հեռանկարները

Դրված թեմայի շուրջ քննարկման կամ արձագանքի համար յուրաքանչյուր մասնակցի կտրամադրվի 5-10 րոպե:

Հեռահաղորդակցման անհրաժեշտ հղումը կտրամադրվի սեպտեմբերի 16-ին, Երևանի ժամանակով մինչև ժ.18:00:

Հետադարձ կապ՝ karapetyan.ruben.s@gmail.com; info.diasporastudies@gmail.com;

հեռ. +374 098 540 355

Seminars

«Համագործակցության խնդիրներն և սկզբունքները Սփյուռքի նոր մարտահրավերների համատեքստում» թեմայով առցանց միջազգային սեմինար-քննարկում

Ռոման Հովսեփյան — Wed, 16 Sep 2020 15:15:18 +0000

Thu, 09/03/2020 - 12:00 to 19:15

Սույն թվականի սեպտեմբերի 3-ին ՀՀ ԳԱԱ Հնագիտության և ազգագրության ինստիտուտի Սփյուռքի հետազոտությունների բաժինը կազմակերպում է առցանց միջազգային սեմինար-քննարկում` «Համագործակցության խնդիրներն և սկզբունքները Սփյուռքի նոր մարտահրավերների համատեքստում» թեմայով:

Օրակարգում կլինեն հետևյալ հարցերը՝

1.ՀՀ և սփյուռքի մտավոր ներուժի հավաքագրման նպատակները և խնդիրները,

2.Ցանցային մեխանիզմների ներդրումը սփյուռքի ուսումնասիրման գործընթացներում,

3.Սփյուռքագետների ցանցի ձևավորման սկզբունքները և հեռանկարները:

Սեմինար-քննարկումը կվարի Սփյուռքի հետազոտությունների բաժնի ղեկավար պ.գ.դ. Ռ. Կարապետյանը:

Քննարկմանը կմասնակցեն ոլորտի մասնագետներ Ալմաթիից, Բեյրութից, Բեռլինից, Կիևից, Պոզնանից, Պրաhայից, Վլադիկավկազից, Փարիզից:

Seminars

«Կ. Գ. Յունգ - 145». Շարժական սրբություններ. մասունք, խաչ, պաշտամունքային գիրք

Ռոման Հովսեփյան — Mon, 29 Jun 2020 13:30:23 +0000

Sat, 07/11/2020 - 19:00 to 20:30

«Կ. Գ. Յունգ - 145» միջոցառումների շրջանակում ՀՀ ԳԱԱ Հնագիտության և ազգագրության ինստիտուտը և ԳիՀԻ հայագետների և հոգեբանների միավորումը ս. թ. հուլիսի 2-ին, 3-ին, 9-ին, 10-ին և 11-ին անցկացնում է սեմինարների շարք:

Սեմինար․ «Շարժական սրբություններ. մասունք, խաչ, պաշտամունքային գիրք» (2019-2020 թթ. Գյուլբենկյան հիմնադրամի դրամաշնորհով կատարված հետազոտության նախնական արդյունքներ),
բանախոս. Լիլիթ Սիմոնյան

Շարժական սրբությունների պաշտամունքը թեև վկայված է նախաքրիստոնեական շրջանում ևս, սակայն մեծ կարևորություն է ձեռքբերել մասնավորապես վաղքրիստոնեական շրջանում՝ Տերունական խաչի ու սրբերի մասունքների պաշտամունքի ձևով: Հետագայում որպես մասունք սկսում են ընկալվել նաև սուրբ գրքերը, սուրբ անձանց պատկանող առարկաները, որոշ ձեռաց խաչեր, երբեմն նույնիսկ ծիսական շինությունների մասը կազմող քարեր: Հայտնի է, որ բնական և պատմական արհավիրքները չեն խնայում հաճախ փխրուն և ոչ մեծ չափի այդ առարկաները, սակայն դրանք ավելի հեշտ էր տեղափոխել և թաքցնել, և այդ ճանապարհով մինչև մեր օրերը հասել են բազմաթիվ շարժական սրբություններ:

2019 թ. Սկսած նախագծի շրջանակներում ՀՀ ԳԱԱ Հնագիտության և ազգագրության ինստիտուտի թիմը հայտնաբերել է մեծ թվով պաշտամունքային առարկաներ, գլխավորապես՝ ձեռագրեր, խաչեր, որոնք իրենցից ներկայացնում են պատմական վկայություններ, մշակութային արժեքներ և հաճախ՝ արվեստի կոթողներ: Նույնքան արժեքավոր է դրանց շուրջ ձևավորված բանահյուսական ժառանգությունը:

Սեմինարն առցանց է, կարող եք միանալ այս հղումով:

Seminars

«Կ. Գ. Յունգ - 145». Յունգյան անալիտիկ հոգեբանությունը և կրոնը (բոլորի համար), բանախոս. Լիլիթ Սիմոնյան

Ռոման Հովսեփյան — Mon, 29 Jun 2020 13:23:51 +0000

Thu, 07/09/2020 - 19:00 to 20:30

Սեմինար․ «Յունգյան անալիտիկ հոգեբանությունը և կրոնը (բոլորի համար)», բանախոս. Լիլիթ Սիմոնյան

Կրոնի ուսումնասիրությունն ընդգրկում է ինչպես բուն կրոնի տարրերի (ծես, առասպել, ուսմունք, կրոնական հաստատություն), այնպես էլ անձ-կրոն փոխհարաբերությունների դիտարկումը: Անձի համար կրոնի ընկալումը կապված է բազմաթիվ հոգեբանական գործոնների հետ, որոնցից առավել կարևորն է հավատը և կրոնական հավատքը:

Յունգյան անալիտիկ հոգեբանության մեջ կրոնը կարևոր տեղ է գրավում: Մի կողմից երազների ու տեսիլքների, ակտիվ երևակայության կերպարների մեջ բազմաթիվ են այնպիսիք, որոնք առկա են աշխարհի, բայց առաջին հերթին՝ այդ պատկերները տեսնողի մշակույթի կրոնական պատկերացումների մեջ, և դրանց դիտարկումն օգնում է ավելի ճշգրիտ մեկնություններ տալ անձի ներաշխարհում տեղի ունեցող ընթացքներին: Մյուս կողմից՝ հայտնի են կրոնի բուն հոգեկարգավորող միջոցները, որոնցից յունգյան դպրոցը կիրառում է աղոթքը, ուխտագնացությունը, առասպելաբանությունը և դրանից բխող բանահյուսությունը, ուսմունքի որոշ տարրեր և ծիսական տեքստերը:

Սեմինարն առցանց է, կարող եք միանալ այս հղումով:

Seminars

«Կ. Գ. Յունգ - 145». Յունգյան տեսությունների կիրառումը հայագիտական ուսումնասիրությունների մեջ: Խորհրդանիշներ և դրանց վերլուծությունը

Ռոման Հովսեփյան — Wed, 24 Jun 2020 09:40:02 +0000

Sat, 06/27/2020 - 19:00 to 20:30

Երկրորդ սեմինարը տեղի կունենա հուլիսի 3-ին ժամը 19:00-ին: Սեմինարի վերնագիրն է. «Յունգյան տեսությունների կիրառումը հայագիտական ուսումնասիրությունների մեջ: Խորհրդանիշներ և դրանց վերլուծությունը», բանախոս՝ Լիլիթ Սիմոնյան:

Կ. Գ. Յունգը հեղինակ է հինգ տեսությունների, որոնցից առավել հայտնին և գործածականը արխետիպերի տեսությունն է: Արխետիպերը այն բովանդակային և ձևական միավորներն են, որոնք պարունակվում են Յունգի բնորոշմամբ կոլեկտիվային անգիտակցականի մեջ, այսինքն, բնորոշ են բոլոր մարդկանց անկախ տարիքից, սեռից կամ ազգությունից: Այդուհանդերձ, ամեն մշակույթ և այդ թվում` հայոց մշակույթը, ունի արխետիպերի դրսևորման իր ուրույն կայուն փնջերը: Մի օր դրսևորվելով որոշակի ձևի (առանձին խորհրդանշանի) մեջ, այդ ձևերը պահպանվում են ու դառնում են էթնիկ մշակույթի կարևորագույն մասը:
Հայկական մշակույթի հարուստ խորհրդաբանությունը հնարավոր է վերլուծել և ավելի խոր հասկանալ Կ. Գ. Յունգի վերլուծական մեթոդով: Համադրելով այդ վերլուծությունը պատմաաշխարհագրական մոտեցման այլ հնարների հետ, հնարավոր է ոչ միայն գրեթե միանշանակորեն մեկնել ու բացատրել հաճախ տարօրինակ մշակութային երևույթների մեր նախնիների կենցաղում, այլև տարբերել փաստը գնահատականից, պատմությունը` առասպելից և այլն:
Սեմինարի ընթացքում մասնակիցները կծանոթանան հայագիտության գրեթե անհայտ մի ոլորտի:

Սեմինարն առցանց է, կարող եք միանալ այս հղումով:

Seminars

Սեմինար․ «Սուրբ համարվող ձեռագրերի, հնատիպ գրքերի և դրանց շուրջ ձևավորված խորհրդանշական հարուստ մշակույթի ուսումնասիրությունը»

Ռոման Հովսեփյան — Sun, 15 Dec 2019 18:25:24 +0000

Tue, 12/24/2019 - 13:00 to 14:00

ՀՀ ԳԱԱ Հնագիտության և ազգագրության ինստիտուտի միջճյուղային թիմն իրագործում է Գալուստ Գյուլբենկյան հիմնադրամի կողմից ֆինանսավորվող ծրագիր, որի նպատակն է ուսումնասիրել անհատների սեփականությունը հանդիսացող, բայց և ժողովրդական քրիստոնեության կարևոր մի մասը ներկայացող սուրբ համարվող ձեռագրերի և հնատիպ գրքերի և դրանց շուրջ ձևավորված խորհրդանշական հարուստ մշակույթի ուսումնասիրությունը: Հայոց մշակույթի համար բարձր արժեք են ներկայացնում ոչ միայն նկարազարդ հին մատյանները, այլև այն ծեսերը, ավանդույթներն ու բանահյուսությունը, որոնք գոյություն ունեն դրանց շուրջ ժողովրդի մի ստվար զանգվածի շրջանակում:

Սեմինար-դասախոսության ընթացքում ինստիտուտի գիտաշխատողներ Լ. Սիմոնյանը, Հ. Հակոբյանը և Կ. Հովհաննիսյանը կներկայացնեն 2019 թ. ընթացքում կատարված դաշտային աշխատանքների արդյունքները:

Հրավիրում ենք ՀՀ ԳԱԱ Հնագիտության և ազգագրության ինստիտուտի գրադարան
Մուտքն ազատ է

Seminars

Paleoseismicity and archeoseismicity – study cases of Iran, Italia, France (Dr. Olivier Bellier)

Ռոման Հովսեփյան — Sat, 20 Apr 2019 19:18:51 +0000

Tue, 04/23/2019 - 14:45 to 15:30

This lecture will be focused on the archeoseismicity and palaeoseismology (Iran, Italia and France). The relationship between earthquakes and tectonics (including plate tectonics) will be presented as well as the use of archaeology to characterize past earthquakes. Palaeoseismicity will be also investigated in addition of the archaeological data to understand and define the landscape changes.

Dr. Olivier Bellier, directeur du Centre Europeen de Recherche et d'Enseignement de Geosciences de l'Environnement
CEREGE - UM 34 AIX-MARSEILLE UNIVERSITE, CNRS, IRD, Collège de France, INRA

Seminars

Հայերեն

Հնասեյսմիկայնություն. դիպվածներ Իրանից, Իտալիայից և Ֆրանսիայից (Օլիվյե Բելյե)

Ռոման Հովսեփյան — Sat, 20 Apr 2019 19:18:15 +0000

Tue, 04/23/2019 - 14:45 to 15:30

Paleoseismicity and archeoseismicity – study cases of Iran, Italia, France

Dr. Olivier Bellier, directeur du Centre Europeen de Recherche et d'Enseignement de Geosciences de l'Environnement
CEREGE - UM 34 AIX-MARSEILLE UNIVERSITE, CNRS, IRD, Collège de France, INRA

Seminars

English

Quaternary landscapes in the Lesser Caucasus, geomorphic response to climate changes and human occupations

Ռոման Հովսեփյան — Tue, 16 Apr 2019 16:31:15 +0000

Tue, 04/23/2019 - 14:00 to 16:00

This lecture will encompass 17 years of research in the Caucasus in the frame of international collaborations working together on climate, landscape changes, and archaeology.

The impact of the Caspian sea relative level changes on the hydrosystem and prehistoric settlements will be explained. This to the discovering of the oldest water management and irrigation structures known, linked to climate and development of the Neolithic societies in the Lesser Caucasus.

Dr Vincent Ollivier

CNRS, LAMPEA, Aix-Marseille University

Seminars

Հայերեն

Չորրորդական ժամանակաշրջանի լանդշաֆտները Փոքր Կովկասում. կլիմայական փոփոխությունների և մարդու գործունեության արտացոլումը գեոմորֆոլոգիայի վրա

Ռոման Հովսեփյան — Tue, 16 Apr 2019 16:26:22 +0000

Tue, 04/23/2019 - 14:00 to 14:45

Այս դասախոսության ժամանակ ամփոփ անդրադարձ կարվի միջազգային համագործակցությունների շրջանակներում Կովկասի կլիմայի, լանդշաֆտի փոփոխությունների եւ հնագիտության մեր 17 տարվա հետազոտությունների արդյունքներին:

Դասախոսության ընթացքում կբացատրենք Կասպից ծովի հարաբերական մակարդակի փոփոխությունների ազդեցությունը տարածաշրջանի հիդրոհամակարգի եւ նախապատմական բնակավայրերի վրա: Կներկայացնենք ջրային ռեսուրսների կառավարման եւ ոռոգման հայտնի ամենահին կառույցները, որոնք կապված են Փոքր Կովկասի կլիմայի և նորքարեդարյան հասարակությունների զարգացման հետ:

Դր․ Վենսան Օլիվյե, Էքս-Մարսել համալսարան, CNRS, LAMPEA

Seminars

English