Հնագիտության և ազգագրության ինստիտուտ

Հայտարարություններ

Հնագիտության և ազգագրության ինստիտուտում Հումբոլտի համալսարանի պրոֆեսոր Յորգ Բաբերովսկու դասախոսությունը

Հնագիտության և ազգագրության ինստիտուտում Հումբոլտի համալսարանի պրոֆեսոր Յորգ Բաբերովսկու դասախոսությունը

31-10-2017 13:00

"Կոմունիզմն իր դարաշարջանում" ցուցահանդեսի (որը բաց է Միրզոյան գրադարանում մինչև նոյեմբերի 2-ը, հասցե՝ Մ. Մկրտչյան 10) շրջանակներում՝ Հնագիտության և ազգագրության ինստիտուտում Հումբոլտի համալսարանի պրոֆեսոր Յորգ Բաբերովսկու դասախոսությունը:

Տեսնել ավելին
«Հայ ընտանիքն արդի մարտահրավերների համատեքստում»

«Հայ ընտանիքն արդի մարտահրավերների համատեքստում»

28-10-2017 14:18

ՀՀ ԳԱԱ Հնագիտության և ազգագրության ինստիտուտի սփյուռքի հետազոտությունների  բաժինը և Բեյրութի Հայկազյան համալսարանի սփյուռքի ուսումնասիրության  կենտրոնը հրավիրում են մասնակցելու միջազգային գիտաժողովի. Հայ  ընտանիքն արդի մարտահրավերների համատեքստում, 28-29 հոկտեմբերի, 2017թ., երեւան, հայաստան։##

Գիտաժողովի ընդհանուր ակնարկ

Ներկայումս ընտանիքը, որպես սոցիալական ինստիտուտ, կրում է արմատական փոփոխություններ, որոնք իրենց ազդեցությունն են ունենում հասարակության կենսագործունեության տարբեր կողմերի վրա: Այս համատեքստում, հայ ընտանիքում տեղի ունեցող փոփոխությունները կրում են ավելի խորքային բնույթ, քանզի հայ ազգի գոյակցության պայմանները տարբեր միջավայրերում բավականին բազմազան են և առաջացնում են բազմաթիվ մարտահրավերներ` ավանդականության և էթնիկության վերարտադրման ճանապարհին: Պատմականորեն ստանձնելով այլ ինստիտուտների գործառույթներ ևս, հայ ընտանիքը ձեռք է բերել առանցքային դեր՝ նպաստելով ազգային ինքնության և էթնոմշակութային արժեքների պահպանմանը:

Արդի մարտահրավերների համատեքստում հայ ընտանիքի հիմնախնդիրների քննարկմանը նվիրված միջազգային գիտաժողովը հնարավորություն կտա հավաքագրել տարբեր գիտակարգերի շրջանակներում հայկական ընտանիքի ժամանակակից ուսումնասիրությունները, բացահայտել հայրենիքում և սփյուռքում ընտանիքի խնդիրները և փոփոխությունների միտումները, ընտանիքի դերը էթնիկ ինքնության պահպանման գործում, համեմատել հայկական ընտանիքի ավանդական և ժամանակակից մոդելներն ու գործառույթները:

  • Ընտանիքի ուսումնասիրության միջգիտակարգային մոտեցումներ. հետազոտության տիրույթներ և խնդիրներ, ընտանիքի մոդելներ (ավանդական և ժամանակակից)
  • Ընտանիքի ուսումնասիրության մեթոդաբանություն. մեթոդների կիրառությունն ու գործիքակազմը
  • Ընտանիք և էթնիկություն. հայեցակարգեր և խնդիրներ
  • Ընտանիքի ուսումնասիրության առանձնահատկությունները սեփական և այլազգի միջավայրում
  • Հայ ընտանքի հիմնահարցերը ՀՀ-ում և սփյուռքում
  • Միջէթնիկ և ներէթնիկ ամուսնություններ (ՀՀ և սփյուռքի, սփյուռքի տարբեր համայնքների հայերի միջև)
  • Ընտանիք և էթնոմշակութային ինքնություն (միջսերնդային տրանսմիսիա, կրթություն, լեզու, հավատք և այլն)
  • Ընտանիք և միգրացիա
  • Ընտանեկան ձեռներեցություն

Ամփոփագրերի ներկայացման պահանջներ

  1. Թեման՝ ներկայացված թեմաներից մեկի շրջանակներում.
  2. Լեզուն՝ հայերեն (արևմտահայերեն կամ արևելահայերեն), ռուսերեն և անգլերեն լեզուներից որևէ մեկով.
  3. Ծավալը՝ մինչև 250 բառ.
  4. Կառուցվածքը՝ հակիրճ ներածություն, հիմնահարց, նպատակ, հետազոտական խնդիրներ և մեթոդաբանություն, տեսական շրջանակներ/գիտակարգեր.

Ամփոփագիրը և հակիրճ (1 էջ) ինքնակենսագրականը (CV) անհրաժեշտ է ներկայացնել մինչև հունիսի 30, 2017թ., info.diasporastudies@gmail.com էլ.փոստի միջոցով:

Մասնակցություն

Գիտաժողովին կարող են մասնակցել սոցիալ-հասարակական և պատմական գիտությունների հետազոտողներ, գիտաշխատողներ, ասպիրանտներ, ՀԿ-ների և պետական հաստատությունների ներկայացուցիչներ Հայաստանից, Արցախից և արտերկրից:

Մասնակիցները կընտրվեն ներկայացված ամփոփագրերի (abstract) և ինքնակենսագրականների (CV) հիման վրա: Ընտրված մասնակիցները կհրավիրվեն ներկայացնելու զեկուցումներ (20 րոպե տևողությամբ): Զեկուզումների ընտրված հոդվածները կհրատարակվեն գիտաժողովից հետո:

Ժամանակացույց

Ամփոփագրերի ներկայացման վերջնաժամկետ. 30 հունիսի, 2017թ.
Պատասխան. 20 հուլիսի, 2017թ.
Ընտրված զեկույցների նախնական տարբերակ. 20 սեպտեմբերի, 2017թ.
Գիտաժողովի ծրագիր և օրակարգ. 10 հոկտեմբերի, 2017թ.
Ընտրված հոդվածների ներկայացման վերջնաժամկետ. 30 նոյեմբերի, 2017թ.

Գիտաժողովի լեզուն

Գիտաժողովի լեզուն հայերենն է: Ռուսերեն և անգլերեն լեզուներով հոդվածների ներկայացման համար կապահովվի թարգմանություն:

Մասնակցության ֆինանսական ծախսեր

Գիտաժողովին մասնակցությունն անվճար է: Մասնակիցների սննդի ծախսերը հոգում են գիտաժողովի կազմակերպիչները: Կեցության և ճանապարհածախսը հոգում է մասնակիցը:

Կազմակերպական խորհուրդ և խմբագրակազմ

Գիտաժողովի կազմակերպական խորհուրդը ՀՀ ԳԱԱ Հնագիտության և ազգագրության ինստիտուտի Սփյուռքի հետազոտությունների բաժնի գիտաշխատողների խումբն է: Գիտաժողովի հոդվածների ժողովածուի խմբագրակազմը Սփյուռքի հետազոտությունների բաժնի և Բեյրութի Հայկազյան համալսարանի Սփյուռքի ուսումնասիրության կենտրոնի գիտաշխատողների խումբն է:

Տեսնել ավելին
«Ավանդականը և արդիականը հայոց մշակույթում»

«Ավանդականը և արդիականը հայոց մշակույթում»

27-10-2017 14:19

2017 թ. նոյեմբերի 27-29-ը հրավիրվում է ՀՀ ԳԱԱ հնագիտության և ազգագրության ինստիտուտի «Ավանդականը և արդիականը հայոց մշակույթում» գիտաժողովը։ Նիստերը կկայանան ինստիտուտի գրադարանի դահլիճում։##

Երկ, 11/27/2017 - 10:00 - Չոր, 11/29/2017 - 12:30

2017 թ. նոյեմբերի 27-29-ը հրավիրվում է ՀՀ ԳԱԱ հնագիտության և ազգագրության ինստիտուտի «Ավանդականը և արդիականը հայոց մշակույթում» գիտաժողովը։
Նիստերը կկայանան ինստիտուտի գրադարանի դահլիճում։
Զեկուցման տևողությունը – 15 րոպե, հարցուպատասխան – 5 րոպե։
Քննարկումները՝ ամեն նիստի ավարտին։

27 նոյեմբերի
Առաջին նիստ – ժամը 10.00 – 13.00
Նիստավար – Լևոն Աբրահամյան

  1. 1. Анаит Худавердян, Сурен О­босян, Рубен Мес­робян
    Биоархеологическая реконструкция захоронений XIV-XVI вв. из пещеры Зарни Эр (Лорийская провинция)
  2. Լարիսա Եգանյան
    Ոչխարի (խոյի) պաշտամունքի հետ իմաստաբանորեն կապված ծի­սական առարկաների շուրջ
  3. Արսեն Բոբոխյան
    Կաթքար-վիշապաքար. Երվանդ Լալայանից հարյուր տարի անց
  4. Հասմիկ Աբրահամյան
    իջինքը և Քառասնից մանկանց տոնը
  5. Արա Գուլյան
    Ժողովրդական սրբերի պաշտամունքը երեկ և այսօր
  6. Լիլիթ Սիմոնյան
    Արևելյան Հայաստանի 17-րդ դարի վերջի սրբավայրերը ըստ Երե­միա Քյո­մուր­ճյանի քարտեզի և Թովմա Վանանդեցու «Ի սրբազան տեղիս աշխարհին հայոց» աշխատության
  7. Յուլիա Անտոնյան
    «Հայաստանում խաչքավորների պակաս չկա». խաչքավորի ինս­տի­տուտը ժա­մանակակից Հայաստանում

27 նոյեմբերի
Երկրորդ նիստ – ժամը 14.00 – 17.00
Նիստավար – Հարություն Մարության

  1. Արգամ Երանոսյան
    Հայոց տոհմածառերի ազգագրական ուսումնա­սի­րություն. հի­շո­ղություն և սե­րունդների վիզուալ դիսկուրս
  2. Լևոն Աբրահամյան
    Թամանյանի Ժողտունը. առասպելաբանություն, գաղափա­րա­խո­­սություն և ճար­տարապետություն
  3. Սվետլանա Պողոսյան
    Տղամարդու և կնոջ կերպարների դրսևորումներ տապա­նա­քա­րային պատ­կե­րա­գրության մեջ ( ըստ Տավուշի 19-րդ դ. - 20-րդ դ.սկզբի նյութերի)
  4. Արմենուհի Ստեփանյան
    Հյուսքի և ասեղնագործության ծիսական դերը հա­յոց ժո­ղովրդական մշա­կույ­թում
  5. Ռուզան Ծատուրյան
    «Սեր» կաթնամթերք պատրաստելու սովորույթը Ախալցխայի հայ­կական գյու­ղերում
  6. Հրանուշ Խառատյան
    «Аджумян Гегам Мартиросович, место рождения: Ташкастан, Турция». Հա­յաս­տա­նում քաղաքական բռնությունների ենթարկ­ված­ների դատական և ար­տա­դա­տական գործերի շարադրանքի լե­զուն
  7. Տիգրան Սարգսյան
    Խորհրդային բռնաճնշումները և դրանց արտացոլումը Հայաս­տա­նի Հան­րա­պե­տու­թյան հանրակրթական դպրոցի արդի դա­սա­­գրքերում
  8. Հրայր Զոհրաբյան
    Պատժիչ մարմինները Խորհրդային Հայաստանի քաղա­քա­կան բռնություններում՝ ըստ զոհերի տվյալների շտեմա­րա­նի նյութերի

28 նոյեմբերի
Երրորդ նիստ – ժամը 10.00 – 13.00
Նիստավար – Սուրեն Հոբոսյան

  1. Գոհար Ստեփանյան
    Բացառապես կրծքով կերակրման վեցամսյակը որպես մոր և մանկան կյանքի անցումային փուլ
  2. Միհրան Գալստյան
    Ընտանիքի կայունության հիմնախնդիրները աշխատանքային միգ­­րանտ­նե­րի շրջա­­նում
  3. Գայանե Շագոյան
    Զբոսաշրջությունը «ներքևից» և «վերևից». Գյումրիի նոր քա­ղա­քային տեքս­տերը
  4. Թորգոմ Աղանյան
    Մշակութային ավանդույթների պահպանման և մշակութային էկո­լոգիայի խնդիր­ները հետաղետյան Գյումրիում
  5. Эмма Петросян
    Отражение “культурной политики” и идентичности в современном армянском танце (по данным youtu­be.com)
  6. Գարեգին Գրիգորյան
    Փոխօգնության տարրերը Տավուշի հյուսիսային սահմանամերձ գյուղերում
  7. Հարություն Մարության
    Արհեստագործական որոշ ավանդույթների վերափոխումը Տա­վու­­շում (ըստ Ի­ջև­ան և Դիլիջան քաղաքների նյութերի)

28 նոյեմբերի
Չորրորդ նիստ – ժամը 14.00 – 16.30
Նիստավար – Յակոբ Չոլաքեան

  1. Արմեն Պետրոսյան
    Անգեղը հնագույն հայոց մեծ աստված
  2. Սարգիս Հարու­թյուն­յան, Ան­նա Պողոսյան
    Սասունցի Դավիթ և Մսրա Մելիք կերպարների տիպահամա­դրա­­կան քննու­թյուն ըստ մոկաց պատումների
  3. Սիրանուշ Առաքելյան
    Անեծքը և օրհնանքը Ստեփանոս Օրբելյանի «Պատմութիւն նա­հան­գին Սիսա­կան» երկում
  4. Տորք Դալալյան
    Երաժշտական գործիքների առաջացումը ըստ հայ միջնադարյան բա­նա­հյու­սու­թյան
  5. Յակոբ Չոլաքեան
    Անտիոքի հայաբնակ շրջաններու տոհմիկ նուագարանները
  6. Նվարդ Վարդանյան
    Դերային ընկալումներն ու խնամիական փոխհարաբերություն­նե­րը հայոց հար­սանեկան ծիսերգերում

29 նոյեմբերի
Հինգերորդ նիստ – ժամը 10.00 – 12.30
Նիստավար – Թամար Հայրապետյան

  1. Մարինե Խեմչյան
    Աստծո միջամտությունը հայ ժողովրդական հեքիաթներում
  2. Гоар Меликян
    Феминный аспект сказок цикла «Умная дочь крестьянина»
  3. Էսթեր Խեմչյան
    Հայոց հանելուկները, այլաբանական երկխոսություններն ու ժես­տերի լե­զուն հայ բանահյուսության շահաբասյան սյուժե­նե­րում
  4. Թամար Հայրապետյան
    Հովսեփ Օրբելու բանահավաքչական և բանագի­տական գոր­ծու­նեությունը
  5. Լուսինե Ղռեջյան
    Սևանի ավազանի բանահյուսական և ազգագրական մշակույթի ար­դի վիճակը
  6. Արմեն Սարգսյան
    Զավեշտի դրսևորման միջոցները թաղման ծիսակարգին առնչ­վող անեկդոտ­ներում

Գիտաժողովի փակումը – ժամը 12.30

Gitazogovi cragir

Տեսնել ավելին
Գիտաժողով՝ «Քաղաքական բռնությունները Հարավային Կովկասում խորհրդայնացումից մինչև 50-ական թթ. պատմություն, մշակույթ, հիշողություն» խորագրով

Գիտաժողով՝ «Քաղաքական բռնությունները Հարավային Կովկասում խորհրդայնացումից մինչև 50-ական թթ. պատմություն, մշակույթ, հիշողություն» խորագրով

25-10-2017 14:17

ՀՀ ԳԱԱ Հնագիտության և ազգագրության ինստիտուտը և «Հազարաշեն» ազգաբանական հետազոտությունների հայկական կենտրոնը հրավիրում են մասնակցելու «Քաղաքական բռնությունները Հարավային Կովկասում խորհրդայնացումից մինչև 50-ական թթ. ##պատմություն, մշակույթ, հիշողություն» («Политические репрессии на Южном Кавказе от советизации до 1950-х гг.: история, культура, память»; «Political Repressions in South Caucasus from Sovietization to 1950s: History, Daily Life, Memory») թեմայով միջազգային գիտաժողովին՝ նվիրված ԽՍՀՄ քաղաքական բռնությունների 1937 թ.՝ «Մեծ տեռորի» 80-րդ տարելիցին: Գիտաժողովը կկայանա 2017 թ. հոկտեմբերի 25-26-ին:##

Չոր, 10/25/2017 - 12:00 - Հնգ, 10/26/2017 - 12:00

Գիտաժողովի ընդհանուր ակնարկ

2017 թ. լրանում է ԽՍՀՄ-ում ստալինյան բռնաճնշումների և քաղաքական հետապնդումների խորհրդանշական 1937թ.՝ «Մեծ տեռորի» 80-երրորդ տարելիցը: «Հարավային Կովկասի խորհրդային հանրապետությունները մինչև 50-ական թթ. և ԽՍՀՄ քաղաքական բռնությունները. պատմություն, մշակույթ, հիշողություն» գիտաժողովի նպատակը Հարավային Կովկասում 20-րդ դարի առաջին կեսում խորհրդային պատմության և ստալինիզմի շրջանի քաղաքական բռնությունների քննարկումն է: Գիտաժողովը նպատակ ունի մեկտեղել սովետական շրջանի ուսումնասիրության (sovietology) մեջ ներգրավված մասնագետներին տարբեր ոլորտներից՝ պատմաբանների, ազգագրագետների, սոցիոլոգների, մշակութաբանների, քաղաքական գործընթացների վերլուծաբանների և բոլոր շահագրգիռ հետազոտողներին:

Գիտաժողովի ընթացքում քննարկվելիք թեմաներ

  • Հարավային Կովկասը 1920-1953 թթ.: Հայտնի և անհայտ էջեր
  • Խորհրդահայ պատմագրություն. Հայաստանի խորհրդային շրջանի պատմության վերանայումը արխիվային փաստաթղթերի, բանավոր պատմությունների, այլ աղբյուրների, ԽՍՀՄ քաղաքական բռնությունների շուրջ արված նոր ուսումնասիրությունների լույսի ներքո
  • 1937-38 թթ. «Մեծ տեռորը» Հարավային Կովկասի խորհրդային հանրապետություններում
  • 1949 թ. հայերի աքսորը Հարավային Կովկասի Խորհրդային Հանրապետություններից և Կրասնոդարի երկրամասից
  • Խորհրդային առօրյան քաղաքական բռնությունների պայմաններում
  • Ստալինիզմի շրջանի տեռորի հիշողությունը և հուշարձանացումը:

Ամփոփագրերի ներկայացման պահանջներ

Զեկուցումները և համապատասխանաբար զեկուցումների ամփոփոգրերը (abstract) պետք է արտացոլեն վերոհիշյալ թեմաներից որևէ մեկի հարցադրումները: Ամփոփագրերը կարող են ներկայացվել հայերեն, անգլերեն կամ ռուսերեն լեզուներից որևէ մեկով՝ 300 բառի սահմաններում: Ամփոփագրերից զատ խնդրում ենք լրացնել գիտաժողովի հայտարարությանը կից ձևաթերթը:

Խնդրում ենք զեկուցման ամփոփագրերը և հայտատուի կողմից լրացված ձևաթերթը ներկայացնել մինչև սեպտեմբերի 29-ը info@iae.am էլեկտրոնային հասցեին՝ ավելացնելով sovietology բառը, կամ գիտաժողովի կազմկոմիտեի անդամներին հետևյալ հասցեներով. hkharatyan@gmail.com, gayashag@yahoo.com, gogstep@yahoo.com:

Մասնակցություն

Մասնակիցները կընտրվեն ներկայացված ամփոփագրերի հիման վրա: Մասնակցության, ինչպես նաև գիտաժողովի անցկացման կոնկրետ վայրի մասին կտեղեկացվի մինչև հոկտեմբերի 5-ը: Ընտրված մասնակիցները կհրավիրվեն ներկայացնելու զեկուցումներ (20 րոպե տևողությամբ): Ընտրված զեկուցումները գիտաժողովից հետո կհրատարակվեն:

Գիտաժողովի աշխատանքային լեզու

Գիտաժողովի աշխատանքային լեզուներն են հայերենը, անգլերենը և ռուսերենը:

Կազմակերպական խորհուրդ

Հրանուշ Խառատյան
Գայանե Շագոյան
Գոհար Ստեփանյան

Հայտաձև

 

  «Քաղաքական բռնությունները Հարավային Կովկասում խորհրդայնացումից մինչև 50-ական թթ. պատմություն, մշակույթ, հիշողություն» («Политические репрессии на Южном Кавказе от советизации до 1950-х гг.: история, культура, память»; «Political Repressions in South Caucasus from Sovietization to 1950s: History, Culture, Memory») գիտաժողովին մասնակցության հայտի ձևաթերթ
1 Հայտատուի անուն ազգանուն, երկիր (նաև՝ ռուսերեն և անգլերեն )
2 Գիտական կոչում (այդ թվում՝ մագիստրոսի) (հայերեն ներկայացնողները՝ նաև ռուսերեն և անգլերեն, ռուսերեն ներկայացնողները՝ նաև անգլերեն, անգլերեն ներկայացնողները՝ նաև ռուսերեն)
3 Աշխատանքի վայր, պաշտոն (հայերեն ներկայացնողները՝ նաև ռուսերեն և անգլերեն, ռուսերեն ներկայացնողները՝ նաև անգլերեն, անգլերեն ներկայացնողները՝ նաև ռուսերեն)
4 Ինչ լեզվով է ներկայացվելու զեկուցումը
5 Գիտական զեկուցման վերնագիր (հայերեն ներկայացնողները՝ նաև ռուսերեն և անգլերեն, ռուսերեն ներկայացնողները՝ նաև անգլերեն, անգլերեն ներկայացնողները՝ նաև ռուսերեն)
6 Զեկուցման բանալի բառեր՝ հինգ-յոթ բառ (հայերեն ներկայացնողները՝ նաև ռուսերեն և անգլերեն, ռուսերեն ներկայացնողները՝ նաև անգլերեն, անգլերեն ներկայացնողները՝ նաև ռուսերեն)
Տեսնել ավելին
Զեկույց-դասախոսություն․ «Հարավային Կովկաս՝ առաջավորասիական հնագիտության նոր սահմանը. Իտալա-վրացական «Շիդա Քարթլիի հնագիտական ծրագրի» վերջին հետազոտությունները»

Զեկույց-դասախոսություն․ «Հարավային Կովկաս՝ առաջավորասիական հնագիտության նոր սահմանը. Իտալա-վրացական «Շիդա Քարթլիի հնագիտական ծրագրի» վերջին հետազոտությունները»

24-10-2017 16:39

Դասախոսությունը կներկայացնի Վրաստանի Շիդա Քարթլի մարզում իրականացվող վրաց-իտալական համատեղ հնագիտական ծրագրի արդյունքները՝ Առաջավոր Ասիա-Հարավային Կովկաս հնագույն փոխհարաբերությունների համատեքստում: Մասնավորապես Արադետիս Օրգորայում և Խաշուրի Նացագորայում իրականացվող վերջին պեղումների արդյունքնեը հնարավորություն են ստեղծում լրացնելու տեղական հասարակությունների զարգացման մասին առկա պատկերացումները՝ վաղ բրոնզից մինչև միջին և ուշ բրոնզի դարեր ընկած ժամանակահատվածում: Հատկապես կարևոր տվյալներ են ի հայտ եկել կուր-արաքսյան մշակույթի վերաբերյալ:

Ելենա Ռովան առաջավորասիական հնագիտության պրոֆեսոր է Վենետիկի Ca' Foscari համալսարանում: Նրա հետազոտությունների կիզակետում Առաջավոր Ասիայի հնագույն քաղաքակրթություններն են ուշ էնեոլիթի և բրոնզի դարերի ընթացքում (Ք.ա. IV-II հազ.)՝ հատկապես Հյուսիսային Միջագետք-Հարավային Կովկաս փոխհարաբերությունների համատեքստում: Նա դաշտային հետազոտություններ է իրականացրել Հյուսիսային Իրաքում (Թել Կարանա), Սիրիայում (Թել Լեյլան, Թել Բեյդար) և, սկսած 2009 թ., Վրաստանում (Նացարգորա, Օխերախեվի, Արադետիս Օրգորա):

Տեսնել ավելին
Դասախոսություն․ «Էպիկական երկվորյակներից մեկի հնագույն` բնիկ հայկական անվան վերականգնման և անձնանունների ստուգաբանության հարցերի շուրջ»

Դասախոսություն․ «Էպիկական երկվորյակներից մեկի հնագույն` բնիկ հայկական անվան վերականգնման և անձնանունների ստուգաբանության հարցերի շուրջ»

23-10-2017 16:42

Հանդիպման առաջին մասում կներկայացվի ու կքննարկվի Վանաձորում հայագիտական կենտրոն-ինստիտուտ հիմնելու նախագիծը, իսկ երկրորդ մասը դասախոսություն է` «Էպիկական երկվորյակներից մեկի հնագույն` բնիկ հայկական անվան վերականգնման և անձնանունների ստուգաբանության հարցերի շուրջ» խորագրով:

Հրաչ Մարտիրոսյանն իր կրթությունը ստացել է Հայաստանում, այնուհետև Եվրոպայում` ուսումնասիրելով հնդեվրոպաբանություն ու համեմատական լեզվաբանություն։ Լեյդենի համալսարանի PhD է, աշխատել է նաև Ավստրիայի գիտությունների ակադեմիայում ու Միչիգանի համալսարանում, դասախոսել Օքսֆորդի, Քեմբրիջի, Սորբոնի, Միլանի, Պավիայի, Մոսկվայի և բազում այլ համալսարաններում։ Գրել է բնիկ հայկական ծագման բառամթերքի ստուգաբանական բառարան, իրանական ծագման անձնանունների ստուգաբանական բառարան, հայերենի պատմական հնչյունաբանություն ու ձևաբանություն և այլն։ Ակտիվ կերպով մասնակցում է Հայաստանի գիտակրթական կյանքին, իր ակտիվ մասնակցությունն է բերում Հայաստանյան գիտաժողովներին, Հայաստանում հինգ անգամ անցկացրել է հայագիտական արշավային դասընթացներ և այլն ։

Տեսնել ավելին
ՀԱԻ Երիտասարդ գիտնականների 15-րդ գիտաժողովի ամփոփագրերը հասանելի են նաև առցանց

ՀԱԻ Երիտասարդ գիտնականների 15-րդ գիտաժողովի ամփոփագրերը հասանելի են նաև առցանց

19-09-2017 16:44

Երիտասարդ գիտնականների 15-րդ միջազգային գիտաժողովի՝ «Հնագիտություն, ազգաբանություն, բանագիտություն. միջգիտակարգային մոտեցումներ» ամփոփագրերը հասանելի են ստորև

Տեսնել ավելին
Մահազդ. Ալվարդ Սարուխանի Ղազիյան

Մահազդ. Ալվարդ Սարուխանի Ղազիյան

03-07-2017 08:34

2017թ. հուլիսի 3-ին կյանքից հեռացավ բանագետ, բանասիրական գիտությունների թեկնածու, ՀՀ ԳԱԱ հնագիտության և ազգագրության ինստիտուտի առաջատար գիտաշխատող Ալվարդ Սարուխանի Ղազիյանը:

Ա. Ղազիյանը (Ղազարյան) ծնվել է 1930 թ. դեկտեմբերի 13-ին Հայկական ԽՍՀ Իջևանի շրջանի Սարիգյուղում` Ղարաբաղից այստեղ տեղափոխված ընտանիքում: 1933թ. Ղազարյանները տեղափոխվել են Գանձակ (Կիրովաբադ): 1937 թ. նա ընդունվել և 1947թ. մեդալով ավարտել է քաղաքի №10 հայկական միջնակարգ դպրոցը: Նույն թվականին ընդունվել է Երևանի պետական համալսարանի բանասիրական ֆակուլտետի “Հայ բանասիրություն” բաժինը, որն ավարտել է գերազանցության դիպլոմով 1960 թ.` Ալթայի երկրամասի աքսորավայրից (1949-1956 թթ.) վերադառնալուց հետո:

1961 թ. հոկտեմբերին Ա. Ղազիյանն ընդունվել է ՀԽՍՀ ԳԱ հնագիտության և ազգագրության ինստիտուտի հայ ժողովրդական բանահյուսության բաժինը, որտեղ աշխատել է մինչև կյանքի վերջ (2000-2009թթ.՝ բանահյուսության տեքստաբանության բաժնի վարիչ):

Ժողովրդագիտական իր գործունեությունը Ա. Ղազիյանը սկսել է նշանավոր բանագետ Արտաշես Նազինյանի ղեկավարությամբ: 1971թ. Ա. Ղազիյանը պաշտպանել է “Հայ ժողովրդական ռազմի և զինվորի երգեր” թեմայով թեկնածուական ատենախոսությունը` նվիրված հայոց երգային բանահյուսության՝ այդ տեսակի ժանրային առանձնահատկություններին, գաղափարական բովանդակությանն ու գեղարվեստաարտահայտչական միջոցների համալիր ուսումնասիրությանը (համահավաք բնագրերի հետ տպագրվել է 1989 թ.):

1983թ. “Հայ ազգագրություն և բանահյուսություն” մատենաշարով (հ. 15, “Արցախ”) լույս է տեսել Ա. Ղազիյանի՝ Արցախից 1970-ական թվականներին գրի առած հեքիաթների, զրույցների, մանրապատում-զվարճախոսությունների, ավանդությունների, երգերի, մականունների, ասութաբանական բանահյուսության նմուշները, նրա կազմած հայ մշակույթի նշանավոր երախտավոր Գ. Սրվանձտյանի երկերի առաջին հատորը:

Հայ բանահյուսական մշակույթի գրառման և արժևորման ոլորտում կարևոր երևույթ է Ա. Ղազիյանի և Ս. Վարդանյանի հավաքած, կազմած և հրատարակած “Բաքվի հայոց բանահյուսությունը” ժողովածուն (2004 թ.): Այս աշխատության շնորհիվ բաքվահայերի բանավոր ավանդությունն առաջին անգամ դրվել է գիտական շրջանառության մեջ` հնարավորություն ընձեռելով մեզանում եղած բանահյուսական նյութն ամբողջացնելու, զուգադրելու, նորագույն խնդիրներ առաջ քաշելու և հետազոտելու ուղղությամբ:

Ժողովրդին իր ակունքներին վերադարձնելու առումով ցուցանշական են Ա. Ղազիյանի “Պ. Սևակի “Անլռելի զանգակատան” բանահյուսական հենքը” (1973), “Ղարաբաղի զվարճախոս Պըլ-Պուղին” (1978), “Հայ ժողովրդական սնահավատական զրույցների դասակարգման հարցի շուրջ” (1983), “Устное народно-поэтическое творчество” (1990), “Сасна црер. армянский героический эпос” (1976), “Гардманк. историко-этнографический очерк” (1992), “Հնագույն մի սովորության արձագանքները հայ բանահյուսության մեջ” (1977), “Ականատեսը Վան քաղաքի քսանամյա անցքերի մասին 1877-1897 թթ.” (1990), “Административный передел внутренних границ Закавказья” (2000), “Ազատագրական պայքարի արտացոլումն արցախահայոց բանահյուսության մեջ” (1995) և այլ հոդվածներ ու հրապարակումներ:

Այս ամենով հանդերձ՝ բանագետ Ա. Ղազիյանի ուշադրության կենտրոնում էին նաև Հայաստանի ռազմավարության տնտեսական խնդիրներն ու գիտական ժառանգության պատմագիտական մեծ արժեք ներկայացնող կարևոր ձեռագրերը, որոնց տպագրությունն ամփոփված է Ա. Ղազիյանի և Ա. Քալանթարյանի կազմած թիվ 1 և 2 “Վավերագրերում” (1999, 2001):

Ա. Ղազիյանի աշխատությունների նշանակալից բաժինը վերաբերում է Արցախի ոչ նյութական մշակութային ժառանգությանն ու պատմությանը: Արցախյան ազատամարտի տարիներին նա լծվել է հարկադրական համրության մատնված արխիվային փաստաթղթերի հայտնաբերմանն ու լուսաբանմանը և գործնական աջակցությամբ օժանդակել է արցախահայությանը (Ս. Միրզոյան, Ա. Ղազիյան, “Հայերի կոտորածները Բաքվի և Ելիզավետպոլի նահանգներում 1918-1920 թթ.” (2003): Մեր ժողովրդի պատմության դժվարին խնդիրներին առնչվող այդ կարևորագույն փաստաթղթերը Ա. Ղազիյանը տարիներ շարունակ պրպտել, ծանոթագրել և դարձրել է հասարակության սեփականությունը:

Ա. Ղազիյանը ընդգծված քաղաքացիական պարտքի գիտակցության տեր անձնավորություն էր, նրա համար առաջնայինը պետության, հասարակության, աշխատանքի շահն էր: Բանագետը հեղինակել է յոթ տասնյակից ավելի գիտական, լրագրային հոդվածներ, գրախոսականներ, հրապարակումներ: Հատկապես ուշադրության են արժանի նշանավոր հայագետ-բանագետներին, հայազգի ռազմական անվանի գործիչներին նվիրված նրա հոդվածները (Գ. Սրվանձտյան, Ե. Լալայան, Խ. Դադյան, Քաջբերունի, Մ. Միանսարյան, Ա. Կիսիբեկյան, զորավարներ Մ. Լորիս-Մելիքյան, Հ. Լազարյան, Ա. Տեր-Ղուկասյան, ծովակալ Լ. Սերեբրյակով, Ս. Կուկունյան, գնդապետ Հ. Մազմանյան և այլք): Ուշագրավ է բազմավաստակ գիտնական-բանագետ Ս. Հարությունյանի կյանքին ու գործունեությանը նվիրված “Կենսամատենագիտությունը” (2003):

Ա. Ղազիյանը կատարել է նաև թարգմանական աշխատանքներ: 1989 թ. “Հայաստան” հրատարակչությունը լույս է ընծայել ռուսերենից նրա թարգմանած “Աֆորիզմներ” ծավալուն ժողովածուն, 1998թ.` Լ. Մելիք-Շահնազարյանի “Ադրբեջանի ռազմական հանցագործությունները Լեռնային Ղարաբաղի Հանրապետության խաղաղ բնակչության դեմ” աշխատության հայերեն թարգմանությունը, որը Ադրբեջանին պատասխանատվության ենթարկելու առաջին փորձն էր գրքի հեղինակի կողմից:

2012թ. Մոսկվայի «Наука» հրատարակչությունը “Ժողովուրդներ և մշակույթներ” մատենաշարով լույս է ընծայել «Армяне» (Հայեր) ժողովածուն (648 էջ), որտեղ հայ ժողովրդական հեքիաթների, ծիսական, ինչպես նաև ռազմի ու զինվորի երգերի մասին վերլուծությունները պատկանում են Ա. Ղազիյանի գրչին:

2015թ. Ա. Ղազիյանը հրատարակել է «Արևմտահայոց պայքարի Արցախի զավակները» աշխատությունը, որը նվիրված է 19-րդ դարի վերջին տասնամյակներում, բալկանյան ժողովուրդների օրինակով, Արևմտյան Հայաստանում ծավալված ազատագրական պայքարին գործուն մասնակցություն ունեցած, Արցախ աշխարհում ծնված ու կրթություն ստացած անհատներին:

1966թ. ի վեր Ա. Ղազիյանն իր հայրենի եզերքի անվանի բանահավաքներից էր: Նա Ղարաբաղից և հարակից շրջաններից գրի է առել արժեքավոր բանահյուսական հարուստ նյութեր:

Ա. Ղազիյանը 1994թ.-ից ԼՂՀ գրողների միության անդամ էր, 1988թ.-ից՝ “Արցախ” հայրենակցական միության անդամ:

Ա. Ղազիյանը լուրջ ներդրում ունի հայկական հեքիաթների գիտական հրատարակության և դրանց` ըստ միջազգային սյուժեների դասակարգման գործում: Նա կազմել և հրատարակել է “Հայ ժողովրդական հեքիաթներ” գիտական հրատարակության 13-րդ (Մուշ-Տարոն, 1985), 14-րդ (Վան-Վասպուրական, 1999) և 16-րդ (Վան-Վասպուրական, 2009) հատորները` օժտված համապատասխան գիտական ծանոթագրություններով:

Ճանաչված բանագետի, իր հայրենիքի և ժողովրդի վաղվա օրով մտահոգ ազնիվ քաղաքացու հիշատակը միշտ վառ կմնա նրա հարազատների, գործընկերների և ճանաչողների սրտերում:

ՀՀ ԳԱԱ հայագիտության և հասարակական գիտությունների բաժանմունք

ՀՀ ԳԱԱ հնագիտության և ազգագրության ինստիտուտ

Տեսնել ավելին
«Մեսրոպ Արքեպիսկոպոս Սմբատյանցի վիմագրական գործունեությունը»

«Մեսրոպ Արքեպիսկոպոս Սմբատյանցի վիմագրական գործունեությունը»

27-06-2017 13:00

2017 թ․-ի հունիսի 27-ին ժամը 14։00-ին ՀՀ ԳԱԱ Հնագիտության և ազգագրության ինստիտուտում գործող ԲՈՀ-ի 007 հնագիտության և ազգագրության մասնագիտական խորհրդում (հասցեն՝ Երևան-0025, Չարենցի 15) կայանալու է Ադամյան Սուսաննա Խաչատուրի «Մեսրոպ Արքեպիսկոպոս Սմբատյանցի վիմագրական գործունեությունը» Է.00.03 - ‹‹Հնագիտություն›› մասնագիտությամբ պատմական գիտությունների թեկնածուի գիտական աստիճանի հայցման ատենախոսության պաշտպանությունը:

Ատենախոսությանը կարելի է ծանոթանալ ՀՀ ԳԱԱ հնագիտության և ազգագրության ինստիտուտի գրադարանում։

Մասնագիտական խորհուրդ

Տեսնել ավելին
«Միջնադարյան Արցախի գյուղատնտեսական մշակույթն ըստ Տիգրանակերտի պեղումների նյութերի»

«Միջնադարյան Արցախի գյուղատնտեսական մշակույթն ըստ Տիգրանակերտի պեղումների նյութերի»

13-06-2017 14:49

2017 թ․-ի հունիսի 13-ին ժամը 14։00-ին ՀՀ ԳԱԱ Հնագիտության և ազգագրության ինստիտուտում գործող ԲՈՀ-ի 007 հնագիտության և ազգագրության մասնագիտական խորհրդում (հասցեն՝ Երևան-0025, Չարենցի 15) կայանալու է Հովսեփյան Ռուբեն Լեոնիդի «Միջնադարյան Արցախի գյուղատնտեսական մշակույթն ըստ Տիգրանակերտի պեղումների նյութերի» Է.00.03 - ‹‹Հնագիտություն›› մասնագիտությամբ պատմական գիտությունների թեկնածուի գիտական աստիճանի հայցման ատենախոսության պաշտպանությունը:

Ատենախոսությանը կարելի է ծանոթանալ ՀՀ ԳԱԱ հնագիտության և ազգագրության ինստիտուտի գրադարանում։

Մասնագիտական խորհուրդ

Տեսնել ավելին
«ՀԱԻ ինտերնետային կայքը (iae.am). կառուցվածքը, ֆունկցիաները և օգտագործման հնարավորությունները»

«ՀԱԻ ինտերնետային կայքը (iae.am). կառուցվածքը, ֆունկցիաները և օգտագործման հնարավորությունները»

10-03-2017 16:43

ՀՀ ԳԱԱ Հնագիտության և ազգագրության ինստիտուտի կողմից իրականացվում են մի քանի տասնյակ գիտական ծրագրեր հնագիտության, ազգաբանության և բանագիտության ոլորտներում: Ինստիտուտում աշխատում են շուրջ երկու հարյուր մասնագետներ վերոհիշյալ ոլորտներից: Աշխատակիցների կողմից և ինստիտուտի գլխավորությամբ ամեն տարի հրատարակվում են հարյուրավոր հոդվածներ, գիտաժողովների նյութեր, գրքեր և այլ գիտական նյութեր: Ինստիտուտում արդեն առօրեական են դարձել վերոհիշյալ ոլորտներում կատարված հետազոտությունների արդյունքներն հանրայնացնող և քննարկող գիտաժողովները, սեմինարները, ատենախոսությունների պաշտպանությունները և այլ գիտական միջոցառումներ: Կատարվող հետազոտությունների արդյունքները և ինստիտուտի գործունեությունը հանրայնացնելու համար վերջինս կարիք ուներ սեփական օնլայն տիրույթի:

ՀԱԻ աշխատակիցների նախագծով և Հարավային Կովկասի Ամերիկյան Հետազոտական Ինստիտուտի (ARISC) ֆինանսական օժանդակությամբ պատրաստվել է ինստիտուտի պաշտոնական վեբ-կայքը՝ iae.am: Պատրաստված կայքի կառուցվածքը ինստիտուտի կառուցվածքի արտացոլանքն է վիրտուալ տիրույթում: Կայքից կարելի է տեղեկություն ստանալ ինստիտուտում կայանալիք և վերջին մի քանի տարիների ընթացքում կայացած միջոցառումների (գիտաժողովներ, սեմինարներ, դասախոսություններ և այլն) մասին, ծանոթանալ ինստիտուտի կառուցվածքին, առանձին բաժիններում և գիտական խմբերում կատարվող աշխատանքներին, աշխատակազմին, առանձին գիտաշխատողների մասնագիտական գործունեությանը և հրատարակություններին: Կայքը ունի շտեմարան, որը պարբերաբար համալրվում է ինստիտուտի կողմից հրատարակված աշխատանքներով: Կայքին զուգահեռ գործում է ինստիտուտի Ֆեյսբուքյան հարթակը․ ինստիտուտի գործունեությամբ հետաքրքրվող օգտատերերը կարող են հետևել վերջինիս Ֆեյսբուքյան էջին և բաժանորդագրվել կայքի նորություններին:

Տեսնել ավելին
«Վաղարշապատ. վանքերը և վիմական արձանագրությունները» գրքի ներկայացում և քննարկում

«Վաղարշապատ. վանքերը և վիմական արձանագրությունները» գրքի ներկայացում և քննարկում

26-02-2017 11:00

ՀԱԻ ԵԳԽ-ն շարունակում է գիտաշխատողների հետազոտություններին և հրատարակություններին նվիրված սեմինարների շարքը:
Փետրվարի 17-ին, ժամը 15:00-ին վիմագրության բաժնի ավագ գիտաշխատող, պ.գ.թ. Արսեն Հարությունյանը ներկայացնելու է իր «Վաղարշապատ. վանքերը և վիմական արձանագրությունները» գիրքը (Խմբագիր՝ Գագիկ Գ. Սարգսյան, Ս. Էջմիածին, Մայր Աթոռ Ս. Էջմիածնի հրատ., 2016, 548 էջ + 5 ներդիր):

Տեսնել ավելին

(c) 2020 Muzex - All rights reserved.