Միջազգային գիտաժողով ԱՎԱՆԴԱԿԱՆ ՎԻՄԱԳՐՈՒԹՅՈՒՆ. ՇԱՐԺԱՌԻԹ, ՆՊԱՏԱԿ, ԱԿՆԿԱԼԻՔ

Հ ԳԱԱ hնագիտության և ազգագրության ինստիտուտը և Հայաստանի գինու պատմության թանգարանը կազմակերպում են միջազգային գիտաժողով՝ նվիրված վիմագրական ավանդույթի բազմամյա պատմու-թյանը, փոխակերպումներին և առանձնահատկություններին՝ տարածության և ժամանակի հոլովույթում:

 

Գիտաժողովի մասնակցության հայտը՝ համապատասխան ամփոփագրով (300–400 բառ), պետք է արտահայտի զեկուցման գիտական նորույթը և առնչվի ներքոնշյալ թեմաներին․

ավանդական վիմագրություն. ժայռապատկերագրությունից՝ միջնադարյան գրային համակարգեր,

վիմագրական կառուցատիպեր, կայուն բանաձևեր,

միջգիտակարգային առնչություններ,

գրակիր հուշարձաններ,

գիր և արվեստ,

գիր և լեզու:

 

Գիտաժողովը տեղի կունենա 2026 թ. նոյեմբերի 17–19-ը՝ Երևանում և Հայաստանի գինու պատմության թանգարանում (ՀՀ Արագածոտնի մարզ, գ. Սասունիկ)։ Գիտաժողովի շրջանակում նախատեսվում է նաև շրջայց թանգարանում և նորակառույց Սուրբ Խաչ եկեղեցական համալիրում։

Զեկուցման ամփոփագիրը, որը պետք է ներառի նաև մասնակցի գիտական աստիճանը և աշխատավայրը (առկայության դեպքում), անհրաժեշտ է ուղարկել մինչև 2026 թ. հոկտեմբերի 1-ը՝ երկու լեզվով՝ հայերեն և անգլերեն։

Կազմկոմիտեի կողմից հավանության արժանացած հայտերի հեղինակները գիտաժողովի մասնակցու-թյան մասին կտեղեկացվեն մինչև հոկտեմբերի 15-ը: Լավագույն զեկուցումները հոդվածների տեսքով կհրատարակվեն առանձին ժողովածուով՝ մինչև 2027 թ. սեպտեմբերի 1-ը:

Գիտաժողովի հիմքում Հայկական լեռնաշխարհում վիմագրման ավանդույթին նվիրված թեմատիկ ծրա-գիրն է, որն իրականացվում է ՀՀ ԿԳՄՍՆ գիտության կոմիտեի դրամաշնորհով (24SSAH-6A011):

 

Հայտերն ուղարկել՝ epigraphy@iae.am

Գրչանկարը՝ Հառիճավանքի Կաթողիկե եկեղեցու արևելյան քիվի ծաղկագիր արձանագրություն, 13-րդ դար։