Հայտարարություններ

Գիտաժողովն անց է կացվելու առցանց եղանակով: Գիտաժողովի ծրագիրն ու ամփոփագրերը պարունակող ֆայլը՝ Էջի ներքևում (ծրագրում վրիպակ կար, որը շտկվել է):

ՀՀ ԳԻՏՈՒԹՅՈՒՆՆԵՐԻ ԱԶԳԱՅԻՆ ԱԿԱԴԵՄԻԱ

ՀՆԱԳԻՏՈՒԹՅԱՆ ԵՎ ԱԶԳԱԳՐՈՒԹՅԱՆ ԻՆՍՏԻՏՈՒՏ

«Ավանդականը և արդիականը հայոց մշակույթում»

«Հայ ժողովրդական մշակույթ» 19-րդ գիտաժողով

Օգոստոսի 20-22, 2020 թ․

ԳԻՏԱԺՈՂՈՎԻ ԾՐԱԳԻՐ

ԵՐԵՎԱՆ 2020

Զեկուցման տևողությունը 15 րոպե, հարցուպատասխանը՝ 5 րոպե,

Քննարկումները՝ 20-30 րոպե՝ յուրաքանչյուր նիստի ավարտին:

20 օգոստոսի

Առաջին նիստ – Ազգաբանություն և ազգագրություն

Ժամը 10.00 – 13.00 (ընդմիջում՝ 13:00-14:00)

Նիստավար – Ռուզաննա Ծատուրյան

1. Հասմիկ Հարությունյան (ԵՊՀ)- Յուրի Մկրտումյանը և մշակույթի տեսությունը:

2. Սվետլանա Պողոսյան (ՀԱԻ, ՀԱԹ)- Հայոց ազգագրության թանգարանի հիմնական ցուցադրության ձևավորման պատմությունից:

3. Վարդիթեր Մադաթյան (ՀԱԻ)-Հանրային իրողություններ Տավուշում ըստ ժողդատարանների՝ 1920-ական թթ. վերջից -1930-ական թթ. վերջի վճիռների:

4. Գրիգոր Աղանյան (ՀԱԻ)-Կարապետ Կոստանյանի անտիպ հուշերը որպես Ալեքսանդրապոլի քաղաքային համայնքի ուսումնասիրության կարևոր սկզբնաղբյուր:

5. Աստղիկ Իսրայելյան (ՀՊԹ)-Հայկական գաղթօջախների ոսկերիչները:

6. Քրիստինե Պապիկյան (ՀԱԻ)-Կենցաղին վերաբերող վկայությունները ըստ Առաքել Դավրիժեցու:

20 օգոստոսի

Երկրորդ նիստ – Ազգաբանություն և ազգագրություն

Ժամը 13.00- 16.00

Նիստավար – Սուրեն Հոբոսյան

1. Հասմիկ Մարգարյան (ՀԱԻ)-Արևիք գավառ. Մեղրու անցյալից:

2. Մխիթար Գաբրիելյան (ՀԱԻ)-Ախալցխայի և հարակից հայկական գյուղերի մասին ազգագրական վկայությունները XIX դարում:

3. Գայանե Շագոյան (ՀԱԻ)-Հարժիս գյուղի հնագիտական ժառանգության «ազգագրական» պաշտպանությունն ու «բանահյուսական» վտանգները:

4. Սուրեն Հոբոսյան, Հ․ Հարությունյան, Անի Սարատիկյան, Բորիս Գասպարյան (ՀԱԻ)-«Զարնի այր» քարայրի հնձանը

5. Ռուզաննա Ծատուրյան (ՀԱԻ)-Նիշաստա. Ցորենի օսլայի պատրաստման ու կիրառման ժողովրդական հմտությունները Ջավախքում (Ախալցխայի գյուղերի օրինակով):

6. Անժելա Ամիրխանյան (ՀԱԻ)-Արմատապտուղները հայոց կենսապահովման մշակույթում:

21 օգոստոսի

Երրորդ նիստ – Ազգագրություն․ ծես և հավատալիք

Ժամը 10.00 – 13.40 (ընդմիջում՝ 13:40-14:30)

Նիստավար – Հասմիկ Գալստյան

1. Սամվել Մկրտչյան (ՀԱԻ)-Հայոց տոնածիսական համակարգի արտացոլումը խորհրդային մամուլում:

2. Հասմիկ Աբրահամյան (ՀԱԻ)-Վարդավառյան ավանդույթների արդի դրսևորումները Վանաձորում:

3. Ռոման Հովսեփյան (ՀԱԻ)-Կարմիր Սարում (Արագած լ․) և շրջակայքում եզդիների կատարած անձրևաբեր և անձրևախափան ծեսերը:

4. Հասմիկ Գալստյան (ՀԱԻ)-Ջրի ոգիները հայկական զրույցներում:

5. Գոհար Ստեփանյան-Պատմելը որպես անցումային փուլի պերֆորմատիվ ավարտ. կրծքով կերակրող մայրերի համացանցային պատումների մարդաբանական քննություն:

6. Հռիփսիմե Պիկիչյան (ԵՊՀ)-Երգվող աղոթք․ երկխոսություն գերագույն ուժերի հետ:

7. Լիլիթ Սիմոնյան (ՀԱԻ)-Սպանվածների գերեզմանները. դասակարգման փորձ:

8. Քրիստինա Այվազյան (ՀԱԻ)-Մեղքի ըմբռնումը կրոնների, հայ եկեղեցական կանոնագրքերի և ժողովրդական հավատալիքների համատեքստում:

9. Սոսե Գրիգորյան-Հարսանեկան ծիսակարգը հայկական կաթոլիկ գյուղերում:

21 օգոստոսի

Չորրորդ նիստ – Ժողովրդական վեպ, հեքիաթ, առասպել

Ժամը 14.30- 17.30

Նիստավար – Թամար Հայրապետյան

1. Т. Айрапетян, Г. Меликян (ՀԱԻ)-Армянские народные сказки на страницах «Сборника материалов для описания местностей и племен Кавказа» (СМОМПК).

2. Լիլիթ Մկրտումյան (ՀԱԻ)-Արջը հայկական հեքիաթներում և հավատալիքներում:

3.Նվարդ Վարդանյան (ՀԱԻ)-«Ռուստամ Զալ» վեպի հայկական պատումների և հայ ժողովրդական հեքիաթների որոշ զուգահեռներ:

4. Տորք Դալալյան (ՀԱԻ)-Դև-Վիշապ և քրիստոնյա քարոզիչ հակադրությունը վաղմիջնադարյան տեքստերում:

5. Մարինե Խեմչյան (ՀԱԻ)-Վիշապի երկակի բնույթը հայ ժողովրդական հեքիաթներում:

6. Էմմա Պետրոսյան (ՀԱԻ)-Կոմմագենե թագավորության աստվածուհիները:

7. Էսթեր Խեմչյան (ՀԱԻ)-Դանանդա Բահլուլի մասին պատումները հայ վիպական բանահյուսության մեջ:

22 օգոստոսի

Հինգերորդ նիստ – Բանագիտություն և բանասիրություն

Ժամը 10.00 – 13.00 (ընդմիջում՝ 13:00-14:00)

Նիստավար – Տորք Դալալյան

1. Հակոբ Չոլաքյան (ՀԱԻ)-Հալէպի մէջ ազգագրական եւ բանահիւսական նիւթերու հաւաքագրումն ու հրատարակութիւնը 1940-1950-ական թուականներուն:

2. Վերժինե Սվազլյան (ՀԱԻ)-Ամերիկահայոց կենցաղային զրույցները (ըստ 1979, 1990, 2001, 2004, 2008 թթ ուղևորությունների գրառումների):

3. Լուսինե Ղռեջյան (ՀԱԻ)-Երդումը ժողովրդական երգերում:

4. Հասմիկ Մատիկյան (ՀՀ ԳԱԱ Շիրակի հայագիտական կենտրոն)-Օրորոց պատկերի միջլեզվական նկարագրություն իրական և գեղարվեստական միջավայրերում:

5. Արմեն Սարգսյան (ՀԱԻ)-Հայ զվարճախոսների կերպարային առանձնահատկությունները:

6. Սուսաննա Ադամյան (ՀԱԻ)-Մակար եպիսկոպոս Բարխուդարյանցի (1832-1906) բանասիրական ժառանգությունը:

7. Մհեր Քումունց (Գորիսի պետական համալսարան)-Ոսկրի խորհրդապաշտությունը Ա. Բակունցի «Կարմրաքար» վեպում:

22 օգոստոսի

Վեցերորդ նիստ – Արդիականության ազգաբանություն

Ժամը 14.00- 16.00

Նիստավար – Գայանե Շագոյան

1. Լևոն Աբրահամյան, Գայանե Շագոյան (ՀԱԻ)-Թավշյա հեղափոխությունը ավանդականի և արդիականի միջև:

2․ Աղասի Թադևոսյան (ՀԱԻ)-Աղքատության խոսույթը և առօրեականությունը Հայաստանում:

3. Արտակ Դաբաղյան (ՀԱԻ)-Ազգ թե ժողովուրդ. Ճգնաժամի արտահայտությո՞ւն, թե՞ հնավանդ մի թյուրիմացություն:

4. Յուլիա Անտոնյան (ԵՊՀ)-Արմատների ու սաղարթի միջև. Նյու-էյջ պրակտիկաները խորհրդային և ժամանակակից Հայաստանում:

5. Նիկոլ Մարգարյան (ՀԱԻ)-Անձնանվան ընտրության հանրայնացումը Ֆեյսբուք սոցիալական ցանցում:

6. Միհրան Գալստյան (ՀԱԻ)-Աշխատանքային միգրացիան և սոցիալական կագավիճակի փոփոխությանները երիտասարդների շրջանում:

7. Լուսինե Անգելուշ-ՀՀ-ի կողմից վարվող լեզվական քաղաքականության հարցի շուրջ:

8. Գրիգորի Այվազյան (ՀԱԻ)-Ուդի էթնո-կրոնական համայնքի իրավիճակը ժամանակակից Ադրբեջանում:

9. Գայանե Հակոբյան, Գարիկ Աթանեսյան (ՀԱԻ)-Բելառուսական համայնքի մշակութային կյանքը Երևանում:

10. Հարություն Մարության (ՀԱԻ)-Ինչպես հիշել ցեղասպանությունը:

2020/2021 ուսումնական տարվա ասպիրանտուրայի ընդունելության համար դիմումների ընդունումը կլինի ս/թ հունիսի 1-ից 24-ը /ներառյալ/, իսկ ասպիրանտուրայի ընդունելության մասնագիտական քննությունը՝ ս/թ հունիսի 25-ից 30-ը /ներառյալ/:

Դիմումների ընդունումը ասպիրանտուրայի բաժնում, ամեն օր (բացի շաբաթ և կիրակի օրերից)՝

հունիսի 1-ից մինչև 24-ը ներառյալ՝ ժամը 10.00-15.00:

Ասպիրանտուրայի բաժին կարելի է զանգել 060-623601 հեռախոսահամարով՝ Կ. Բեգոյանին:

ԺԱՄԱՆԱԿԱՑՈՒՅՑ

2020 թ․ մայիսի 26-ին ժամը 16։30-ին ՀՀ ԳԱԱ Հնագիտության և ազգագրության ինստիտուտում գործող ԲՈԿ-ի 007 հնագիտության և ազգագրության մասնագիտական խորհրդում (հասցեն՝ Երևան-0025, Չարենցի 15) կայանալու է Գաբրիելյան Արմինե Արարատի «Արցախի Տիգրանակերտի անտիկ խեցեղենը (տեխնիկատեխնոլոգիական բնութագիրը, գործառութային-ձևաբանական դասակարգումը, գեղարվեստական հարդարանքը)» Է.00.03 - ‹‹Հնագիտություն›› մասնագիտությամբ պատմական գիտությունների թեկնածուի գիտական աստիճանի հայցման ատենախոսության պաշտպանությունը: Պաշտպանության ընթացքին կարելի է հետևել նաև առցանց՝ հետևյալ հղումով․ https://us02web.zoom.us/j/9678300169?pwd=bGRaVjRyWGJvSnFnVy9HcDJ2SS9ydz09, Meeting ID: 967 830 0169, Password: 7e7Huz:

Ատենախոսությանը կարելի է ծանոթանալ ՀՀ ԳԱԱ հնագիտության և ազգագրության ինստիտուտի գրադարանում։

Մասնագիտական խորհուրդ

Հ Ր Ա Մ Ա Ն N 66 - Լ

« 4 » ՄԱՅԻՍԻ 2020 Թ. Ք. ԵՐԵՎԱՆ

ՀՀ ՏԱՐԱԾՔՈՒՄ ԿԻՐԱՌՎՈՂ ԺԱՄԱՆԱԿԱՎՈՐ ՍԱՀՄԱՆԱՓԱԿՈՒՄՆԵՐԻ ԸՆԹԱՑՔՈՒՄ ՀՀ ՊԱՐԵՏԻ ՊԱՀԱՆՋՆԵՐԻՆ ՀԱՄԱՊԱՏԱՍԽԱՆ

ԻՆՍՏԻՏՈՒՏՈՒՄ ԱՇԽԱՏԱՆՔՆԵՐԸ ԿԱԶՄԱԿԵՐՊԵԼՈՒ ԺԱՄԱՆԱԿԱՎՈՐ ԱՇԽԱՏԱՆՔԱՅԻՆ ՌԵԺԻՄԻ ԵՎ ԿԱՐԳԻ ՄԱՍԻՆ

ՀՀ ողջ տարածքում կիրառվող ժամանակավոր սահմանափակումների վերաբերյալ 2020 թ. մայիսի 3-ի ՀՀ պարետի նո 63 որոշման պահանջներին համապատաս­խան ինստիտուտում աշխատանքները կազմակերպելու ժամանակավոր աշխատան­քային ռեժիմը և կարգն իրականացնելու համար

Հ Ր Ա Մ Ա Յ ՈՒ Մ ԵՄ

Կորոնավիրուսային հիվանդության տարածման կանխարգելման նպատակով միջոցառում­ների պատասխանատու նշանակել ինստիտուտի գործերի կառավարիչ Արտակ Ավետիսյանին:

Պատասխանատուն ապահովում է գրասենյակի ողջ տարածքում ընդհանուր սանիտարահամաճարակային անվտանգության կանոնների և հիգիենիկ նորմերի պահպանման նկատմամբ պատշաճ հսկողությունը և կանոնների համար անհրաժեշտ պարագաների, նյութերի ու հարմարությունների առկայությունը:

Պատասխանատուն ապահովում է ախտահանումների, աշխատողների և այցելուների առողջական վիճակի մասին գրանցումների (այլ գրանցումներն՝ ըստ նպատակահարմարության) վարումը:

Յուրաքանչյուր աշխատողի ջերմությունը չափվում է օրական երկու անգամ՝ հեռահար կամ անհատական ջերմաչափով, որից մեկը՝ աշխատանքի ներկայանալու պահին՝ կատարելով համապատասխան նշում գրանցամատյանում: Օրվա գրանցա­մատյանի վարողին նշանակում է Պատասխանատուն:

Աշխատակիցներն աշխատանքի են ներկայանում անհատական պաշտպա­նական միջոցներ կրելու պարտադիր պայմանով՝ բժշկական դիմակ, մեկանգամյա օգտագործման ձեռնոցներ, անհատական ջերմաչափ:

Աշխատանքի և ընդմիջման ժամերին արգելվում է ինստիտուտի տարածքից աշխատողների ելքը:

Ինստիտուտի տնօրինությունը, վարչասպասարկող անձնակազմը հաճախում է աշխատանքի սովորական գրաֆիկին համապատասխան՝ աշխատասենյակում աշխատողների քանակն երեք մարդուց ոչ ավել հաշվարկով:

Ինստիտուտի Կամերալ մշակման և վերականգնման լաբորատորիայի, անձնակազմը հաճախում է աշխատանքի սովորական գրաֆիկին համապատասխան աշխատասենյակում աշխատողների քանակն հինգ մարդուց ոչ ավել հաշվարկով: Վերականգնման աշխատանքները տնային պայմաններում իրականացնելու հնարավորության դեպքում աշխատանքները կարելի է կազմակերպել տանը:

Ինստիտուտի գրադարանն աշխատակիցներին և այցելուներին սպասարկում է աշխատանքային բոլոր օրերին: Գրադարավարներն աշխատանքի են հաճախում հերթափոխով՝ գրադարանի վարիչի ներկայացրած գրաֆիկին համապատասխան: Ընթերցասրահից միաժամանակ կարող են օգտվել 5 մարդ՝ պարտադիր պահպա­նելով մինչև 2 մ հեռավարություն:

Ինստիտուտի արխիվն աշխատակիցներին և այցելուներին սպասարկում է երեքշաբթի, հինգշաբթի և ուրբաթ օրերին: Արխիվի այցելուներին սպասարկող աշխատակիցներն աշխատանքի են հաճախում արխիվի, հայ ազգագրության և բանահյուսության պատմության և տեսության բաժիների վարիչների ներկայացրած գրաֆիկին համապատասխան:

Ինստիտուտի համակարգչային մշակման լաբորատորիայի աշխատանքներն ընթանալու են հեռավար եղանակով:

Ինստիտուտի գիտահետազոտական մասի աշխատանքներն ընթանալու են հեռավար եղանակով:

Գիտահետազոտական աշխատանքներն ինստիտուտում կատարելու անհրա­ժեշ­տության դեպքում գիտական բաժինների աշխատակիցները կարող են աշխա­տան­քի ներկայանալ բաժնի վարիչի թույլտվությամբ՝ 1 սենյակում աշխատող­ների քա­նակն երեք մարդուց ոչ ավել հաշվարկով: Ինստիտուտ հաճախող աշխա­տա­կից­նե-րի մասին բաժնի վարիչը նախապես տեղեկացնում է (կամ տրամադրում է աշխա­տակիցների ինստիտուտ հաճախելու գրաֆիկ) կորոնա­վիրուսային հիվան­դության տարածման կանխարգելման նպատակով միջոցառում­ների պատաս­խա­նատուին:

Սույն հրամանն ուժի մեջ է մտնում ընդունման պահից:

Տնօրեն` Պ. Ավետիսյան

«Վետո» շարժման ղեկավար Նարեկ Մալյանը, թաքնվելով հակաթուրքական «հայրենասիրության» քողի տակ, սոցիալական ցանցերում օրերս տարածած հրապարակումներով փորձում է վարկաբեկել Հայաստանի վաստակա­շատ և հեղինակավոր երկու ազգագրագետների՝ Հրանուշ Խառատյանի և Հարություն Մարությանի գիտական վարկը և մարդկային արժանապատվությունը: Հրանուշ Խառատյանը և Հարություն Մարությանը հայոց պատմության ու մշակույթի ուսումնասիրության մեջ ծանրակշիռ ավանդ ունեցող գիտնականներ են՝ հայոց ավանդական մշակույթի բազմաթիվ ոլորտների ուսումնասիրությանը նվիրված հարյուրավոր գիտական հոդվածներով և տասնյակ մենագրություններով, որոնց կշիռն ավելին է, քան մալյանների՝ կեղծիք սփռող աղբյուրներից համալրվող նետտո և բրուտտո քաշը։  Նշված գիտնականները նաև ունեն հրատարակած արժեքավոր աշխատություններ Արցախի հայ բնակչության, հայոց Ցեղասպանության, հայկական համայնքների, առաջին հանրապետության, խորհրդային շրջանի և հայոց պատմության այլ կարևոր դրվագների մասին։  Նրանք բազմիցս աշխարհի տարբեր գիտական ամբիոններից ներկայացրել են հայ ժողովրդի շահերը և ճանաչելի դարձրել միջազգային լայն հանրության առջև հայոց պատմության և մշակույթի կարևոր փաստեր ու դրվագներ:

     Խստորեն դատապարտում ենք մեր գործընկերների հասցեին Նարեկ Մալյանի հնչեցրած ֆաշիստական բովանդակության հայտարարություններն ու նրանց ընտանիքների անդամների հետ ֆիզիկական հաշվեհարդարի, ընդհուպ մինչև մահվան սպառնալիք պարունակող բովանդակութ­յամբ կոչերը և հրավիրում ՀՀ դատախազության և իրավապահ մարմինների ուշադրությունը՝ անհրաժեշտ միջոցներ ձեռնարկելու համար: Միևնույն ժամանակ Հայաստանի գիտական և ակադեմիական հանրությանը կոչ ենք անում դատապարտելու վաստակաշատ գիտնականների վրա ծայրահեղական ուժերի կողմից բռնություն կիրառելու այս կոչերը:

     Մարդկային համակեցությունը միշտ ունեցել է և ունի արատավոր շեղումներ՝ «մատնիչների» և զրպարտիչների ցանցեր, դավադրագիտության տեսաբաններ ու մոլագարներ, ծայրահեղական և  պսևդո­հայրենա­սիրական խմբակներ, որոնց միջոցով բազմիցս փորձել են հալածել գիտնականներին, հանրային ուղղամիտ կեցվածքն ու  այլակարծությունը: Հանրային կեցության այս թարախապալարները եղել են և մնալու են ազգագրագետների ուսումնասիրության առարկա: Ազգագրությունը մարդկային մտքի և դրա կարևորագույն արդյունքի՝ մշակույթի,  շարունակական ապագաղութացման գործընթաց է։ Եվ դրանից սպասվող անհանգստությունն է, որ ցնցումների մեջ է գցել մերօրյա պսևդո­հայրենա­սերներին:

     Չէինք անդրադառնա խնդրին, եթե մալյանների արտահայտությունները չդառնային բացահայտ սպառնալիքներ, մարդկանց ֆիզիկական ոչնչացման կոչեր, որոնք այլևս դուրս են հանրային խոսք լինելուց և պարունակում են քրեական հանցանքի բացահայտ տարրեր։

     Միաժամանակ, փաստում ենք, որ այո, նաև՝ մեր՝ գիտնականներիս ջանքերով է հնարավոր դարձել բռնապետությունների կազմաքանդումը, տեռորի պատմության լուսաբանումը, ցեղասպանության մարդկային պատմությունների բարձրաձայնումը, փախստական, հալածված խմբերի, աղքատների ձայների հանրայնացումը, ինչպես նաև մալյանների համար քաղաքացիական ազատությունները հնարավոր դարձնելն ու պահպանելը։

     Այս նամակը դիտարկում ենք ոչ միայն որպես Հրանուշ Խառատյանին, Հարություն Մարությանին պաշտպանելու գործընկերային դիրքորոշում, այլև ազատ միտք ունենալու, գիտական գործունեությամբ զբաղվելու իրավունքի իրացմանը խոչընդոտելու մասին ահազանգ, ինչի արժանապատիվ իրականացման իրավունքը մեզանից յուրաքանչյուրին տրված է ՀՀ Սահմանադրությամբ և օրենքներով։

ՀՀ ԳԱԱ Հնագիության և ազգագրության ինստիտուտի գիտական անձնակազմ

12 մայիս 2020թ.

Ուշադրությո՛ւն՝ թարմացում․ պաշտպանությունը կանցկացվի առցանց՝ մայիսի 19-ին, ժ. 14:00-ին հետևյալ հղումով՝ https://us02web.zoom.us/j/86539334749?pwd=STlRSi9BVmE1di9pT0tQWitoc3VWZz09 (Zoom Meeting ID: 865 3933 4749, Password: 183875):

ՀՀ ԳԱԱ Հնագիտության և ազգագրության ինստիտուտում գործող ԲՈԿ-ի 007 Հնագիտության և ազգագրության մասնագիտական խորհրդում (հասցեն՝ Երևան-0025, Չարենցի 15) կայանալու է Հովհաննիսյան Կարեն Հովհաննեսի «Թուխ Մանուկ սրբավայրերը» (պատմաազգագրական ուսումնասիրություն)» Է.00.04 - ‹‹Ազգագրություն›› մասնագիտությամբ պատմական գիտությունների թեկնածուի գիտական աստիճանի հայցման ատենախոսության պաշտպանությունը:

Ատենախոսությանը կարելի է ծանոթանալ ՀՀ ԳԱԱ Հնագիտության և ազգագրության ինստիտուտի գրադարանում։

Մասնագիտական խորհուրդ

Եղեգնաձորի երկրագիտական թանգարանը Հնագիտության և ագգագրության ինստիտուտի և «Իմ Հայաստան» ծրագրի հետ համատեղ կազմակերպում է միջազգային գիտաժողով, որը տեղի կունենա 2020 թ․-ի մարտի 13-14-ին Եղեգնաձորի երկրագիտական թանգարանում:

Հազարամյակներ շարունակ գտնվելով տարբեր մշակույթների խաչմերուկում՝ Վայոց ձորի մարզն իր մշակութային և բնական լանդշաֆտում ամփոփում է հնագույն, միջնադարյան և ժամանակակից հասարակությունների հետքերը: Վերջին տարիներին գիտնականները նոր բացահայտումներ են կատարել Վայոց ձորի հեռավոր անցյալի մասին: 2007թ.-ին հնագետները հայտնաբերել են առնվազն 6000 տարվա վաղեմության գտածոներ, որոնք վկայում են այն մասին, որ Արենի-1 քարանձավային համալիրը եղել է գինու արտադրության հնագույն կենտրոններից մեկը ողջ աշխարհում: Մարզում այսօր էլ լավագույն գինեգործական ավանդույթները պահպանվում են Հայաստանի ամենահայտնի գինիների և գինեգործների շնորհիվ:

Գիտաժողովի նպատակն է ուսումնասիրել Վայոց ձորի մարզի պատմամշակութային ժառանգությունը:

Գիտաժողովը տեղի կունենա Եղեգնաձորի երկրագիտական թանգարանում, որտեղ ներկայացված է նախապատմական ժամանակաշրջանից մինչև 20-րդ դարին պատկանող արտեֆակտների հարուստ հավաքածու: Սա իր տեսակի մեջ առաջին գիտաժողովն է, որը նախատեսվում է անցկացնել տվյալ մարզում: Ասպիրանտուրայի ուսանողները, տարբեր գիտահետազոտական հաստատությունների գիտաշխատողները, թանգարանային մասնագետները և գիտնականները կարող են աշխատության ամփոփագիր ներկայացնել՝ գիտաժողովի ընթացքում զեկուցումով հանդես գալու համար:

ՀԱՅՏԵՐԻ ԸՆԴՈՒՆՈՒՄ

Գիտաժողովի շրջանակում ընդունվում են Վայոց ձորին առնչվող աշխատություններ հետևյալ թեմաներով.

Պատմություն
Հնագիտություն
Ազգագրություն
Բանահյուսություն
Մշակութաբանություն
Երկրագիտություն
Ճարտարապետություն և արվեստ

Զեկուցումների տևողությունը 20 րոպե է, ևս 10 րոպե կհատկացվի քննարկման համար: Բանախոսները սլայդներ ցույց տալու հնարավորություն կունենան: Գիտաժողովի աշխատանքային լեզուներն են հայերենը և անգլերենը: Աշխատությունները կհրատարակվեն գիտաժողովի նյութերում:

Գիտաժողովին մասնակցելու համար անհրաժեշտ է մինչև դեկտեմբերի 20-ը tangaran68@gmail.com էլեկտրոնային հասցեին ուղարկել ներկայացվող աշխատության մոտ 300-բառանոց ամփոփագիր՝ հեղինակ(ներ)ի հակիրճ կենսագրությամբ հանդերձ: Գիտաժողովի գիտական կոմիտեն ընտրություն կկատարի ներկայացված հայտերի միջև: Զեկուցողների ընտրության արդյունքները կծանուցվեն մինչև դեկտեմբերի 25-ը:

Ուղևորափոխադրումը և Եղեգնաձորում կեցությունը հոգում են կազմակերպիչները:

Գիտաժողովի նյութերը կհրատարակվեն Եղեգնաձորի երկրագիտական թանգարանի կողմից գիտաժողովից հետո:

Կոնտակտային տվյալներ

Եղեգնաձորի երկրագիտական թանգարան

Շահուկյան 4 փողոց, 3601 Եղեգնաձոր, Վայոց ձոր

tangara68@gmail.com

+374 281 233 92

2020 թ․-ի մարտի 10-ին ժամը 14։00-ին ՀՀ ԳԱԱ Հնագիտության և ազգագրության ինստիտուտում գործող ԲՈԿ-ի 007 հնագիտության և ազգագրության մասնագիտական խորհրդում (հասցեն՝ Երևան-0025, Չարենցի 15) կայանալու է Վարդանյան Բենիկ Վարդանի «Հայկական Լեռնաշխարհի հյուսիսարևելյան հատվածի բնակչության սոցիալական կազմը և թաղման ծեսն ըստ ուշ բրոնզ և վաղերկաթեդարյան դամբանային համալիրների» Է.00.03 - ‹‹Հնագիտություն›› մասնագիտությամբ պատմական գիտությունների թեկնածուի գիտական աստիճանի հայցման ատենախոսության պաշտպանությունը:

Ատենախոսությանը կարելի է ծանոթանալ ՀՀ ԳԱԱ հնագիտության և ազգագրության ինստիտուտի գրադարանում։

Մասնագիտական խորհուրդ

Կյանքի 71-րդ տարում մահկանացուն կնքեց ՀՀ ԳԱԱ արտասահամանյան ան­դամ, Հայաստանի ամերիկյան համալսարանի պրոֆեսոր, Հայաստանի Հանրա­պե­տութ­յան նախկին պետական նախարար Գրիգոր Եվգենիի Արեշյանը:

Գրիգոր Արեշյանը ծնվել է 1949 թ. մայիսի 13-ին Երևանում: 1970 թվականին ավարտել է ԵՊՀ պատմության ֆակուլտետը: 1970-1973 թթ. սովորել է ԵՊՀ, իսկ1973-1975 թթ. Ս. Պետերբուրգի ասպիրանտու­րա­յում և 1975 թ. հաջողությամբ պաշտպանել թեկնածուական ատենա­խո­սութ­յունը՝ ստանալով պատմական գիտությունների թեկնածուի գիտական աստի­ճան: Նրա ղեկավարն էր հայտնի հնագետ, Էրմիտաժի տնօրեն Բորիս Պիոտրովսկին: 1970-1973 թվականներին աշխատել է ԵՊՀ հնագիտության և ազգագրության ամբիոնում, 1973-1980 թվականներին՝ ԵՊՀ հայագիտության կենտրոնում, որպես գիտաշխատող: 1981 թվականին Գ. Արեշյանի նախաձեռնութ­յամբ և մասնակցությամբ ԵՊՀ-ում ստեղծվեց հնագիտական հետազոտությունների գիտական լաբորատորիան, որն էլ ղեկավարել է մինչև 1987 թվականը: 1987-1991 թթ. նա զբաղեցնում է ՀՀ ԳԱԱ հնագիտության և ազգագրության ինստիտուտի տնօրենի տեղակալի պաշտոնը: Անկախության առաջին տարիներին Գ. Արեշյանը ներգրավվեց երկրի կառավարման գործում: 1991-1992 թթ. նա Հայաստանի Հան­րապետության պետնախարար էր, ղեկավարել է ՀՀ պատվի­րակությունը Ռու­սաս­տանի հետ բանակցություններում: 1993 թ. բուժման նպատակով տեղափոխ­վում է ԱՄՆ, որտեղ բուժմանը զուգընթաց զբաղվում է գիտամանկա­վարժա­կան գոր­ծու­նեությամբ: Դասավանդել է ԱՄՆ-ի տարբեր համալսարաններում և քոլեջներում, ի մասնավորի Կալիֆորնիայի, Չիկագոյի, Վիսկոնսինի համալսարաններում: Սկսած 2001 թ-ից` դասավանդել և գիտական տարբեր պաշտոններ է զբաղեցրել Լոս Անջելեսի Կալիֆորնիայի համալսարանի Կոտսընի անվան հնագիտության ինստիտուտում, 2010 թ-ին դարձել է ինստիտուտի փոխտնօրենը:

2016 թվականին տեղափոխվեց Հայաստան, դասավանդում էր Հայաստանի ամերիկյան համալարանում:

Մեծ է նրա ավանդը ՀՀ տարածքի հնագիտական հուշարձանների դաշտային հետազոտությունների ոլոտում: Դեռևս ուսանողական տարիներին մասնակցել է Լճաշենի, Արթիկի դամբարանադաշ­տերի, Կարմիր բլուրի պեղումներին: 1970-80-ական թվականներին Գրիգոր Արեշյանը ղեկա­վարել է Ադաբլուրի, Մոխրաբլուրի, Նորաբացի բլուր բնակատեղիների, Բերքաբերի (Հ. Սիմոնյանի հետ համատեղ), Մայիսյանի, Շամիրամի դամբարա­նադաշ­տերի պեղումները: Կոտսենի անվ. Հնագիտության ինստիտուտում աշխատելու տարիներին նրա ջանքերով և ղեկա­վարությամբ մշակվեցին և կյանքի կոչվեցին հայ-ամերիկան մի շարք համատեղ ծրագրեր, որոնք իրենց նպաստը բերեցին հայաստանյան հնագիտության միջազգայնացման, հայ-ամերիկյան գիտական կապերի ընդլայնման ու ամրապնդ­ման գործին: Մասնավորապես 2008-2012 թվականներին Գրգոր Արեշյանը, որպես հայ-ամերիկյան արշավախմբի ամերիկյան կողմի ղեկավար, ակտիվ մասնակցութ­յուն է ունեցել միջազգային լայն արձագանք ստացած Արենի 1 քարայրի պեղում­ներին, պեղումների արդյունքների ուսումնասիրությանն ու հանրահռչակ­մանը: 2011 թվակաինց նրա ջանքերով ձևավորվեց ևս մեկ հայ-ամերիկյան արշավախումբ, որը վերսկսեց և ներկայումս էլ շարունակում է Մասիս բլուր նեոլիթյան հնավայրի պեղումներն ու նյութերի ուսումնասիրությունները:

Մեծ է Գրգոր Արեշյանի ավանդը Հայկական լեռնաշխարհի հնագույն անցյալի ուսումնասիրության ասպարեզում: Նրա հրատարակած ուսումնասիրութ­յուն­ներից շատերը ուղենիշային դեր են խաղացել Հայկական լեռնաշխարհի հնագի­տական մշակույթների ժամանակագրության և պարբերացման ներկայիս համակար­գի ձևավորման, լեռնաշխարհի հնագույն հասարակությունների հասարա­կական և սոցիալական միջավայրի առանձնահատկությունների վերհան­ման, արժևորման համար: Անուրանալի ձիրքի ու գիտելիքների շնորհիվ Գրիգոր Արեշյանը կարողա­նում էր անցյալի մշակութային ֆենոմենների ուսումնասիրության համար, հնագիտա­կան տարբեր դպրոցների ու ուղղությունների տեսական մտքի քննական վերլուծութ­յամբ գտնել այնպիսի լուծումներ, որոնք հեղինակին բերեցին լայն ճանաչում և համբավ: Նա ավելի քան 150 գիտական աշխա­տանք­ների հեղինակ է, որոնք հրատարակվել են 5 լեզուներով՝ 12 երկրներում: Գրիգոր Արեշյանի գիտական աշխատանքները նվիրված են Հայկական լեռնաշխար­հի, Կովկասի և Առաջավոր Ասիայի հնագիտության և մշակույթի տարբեր ասպեկտ­ների վերլուծութ­յանը:

Գրիգոր Արեշյանը տիրապետում էր մի շարք, այդ թվում ռուսերեն, անգլերեն, ֆրանսերեն լեզուների, ազատ կարդում էր գրաբար, լատիներեն, ուրարտական սեպագիր տեքստեր:

Գիտական նշանակալից արդյունքների համար 2014 թ. նա ընտրվել է ՀՀ ԳԱԱ արտասահմանյան անդամ:

Գրիգոր Արեշյանն իր ժողովրդի և Արեշյանների տոհմի արժանավոր զավակն էր։ Նա ամբողջ կյանքը դրեց գիտության, մասնավորապես՝ հնագիտության և հայագիտության զարգաց­ման, երիտասարդ կադրերի պատրաստման, հայոց մշակութային ժառանգության հանրայնացման համար։ Նրա հիշատակը մշտապես կմնա բազմաթիվ հնագետների, հայագետների, նրան ճանաչողների սրտերում։

ՀՀ ԳԱԱ նախագահություն

ՀՀ ԳԱԱ հայագիտության և հասարակական գիտությունների բաժանմունք

ՀՀ ԳԱԱ հնագիտության և ազգագրության ինստիտուտ

ԵՊՀ հնագիտության և ազգագրության ամբիոն

2020 թ․-ի մարտի 5-ին ժամը 13։00-ին ՀՀ ԳԱԱ Հնագիտության և ազգագրության ինստիտուտում գործող ԲՈԿ-ի 007 Հնագիտության և ազգագրության մասնագիտական խորհրդում (հասցեն՝ Երևան-0025, Չարենցի 15) կայանալու է Բարսեղյան Սյուզաննա Սոսի «Էթնիկ մամուլի դերը Հայկական Սփյուռքում (էթնոսոցիոլոգիական հետազոտություն)» Է.00.04 - ‹‹Ազգագրություն›› մասնագիտությամբ պատմական գիտությունների թեկնածուի գիտական աստիճանի հայցման ատենախոսության պաշտպանությունը:

Ատենախոսությանը կարելի է ծանոթանալ ՀՀ ԳԱԱ Հնագիտության և ազգագրության ինստիտուտի գրադարանում։

Մասնագիտական խորհուրդ

2020 թ․-ի մարտի 5-ին ժամը 15։00-ին ՀՀ ԳԱԱ Հնագիտության և ազգագրության ինստիտուտում գործող ԲՈԿ-ի 007 Հնագիտության և ազգագրության մասնագիտական խորհրդում (հասցեն՝ Երևան-0025, Չարենցի 15) կայանալու է Տանաջյան Լուսինե Ասատուրի «Սոցիալական փոփոխությունները Հայկական Սփյուռքում (Լոս Անջելեսի, Թեհրանի, Բեյրութի հայերի էթնոսոցիոլոգիական հետազոտություն)» Է.00.04 - ‹‹Ազգագրություն›› մասնագիտությամբ պատմական գիտությունների թեկնածուի գիտական աստիճանի հայցման ատենախոսության պաշտպանությունը:

Ատենախոսությանը կարելի է ծանոթանալ ՀՀ ԳԱԱ Հնագիտության և ազգագրության ինստիտուտի գրադարանում։

Մասնագիտական խորհուրդ