Հայտարարություններ

2016 թ․ հոկտեմբերի 6-ին ժամը 14:00-ին հրավիրվում է ՀՀ ԳԱԱ Հնագիտության և ազգագրության ինստիտուտին առընթեր ատենախոսությունների պաշտպանության մասնագիտական խորհրդի նիստ:

Օրակարգ

Թորոսյան Մելինե Գագիկի «Մշակույթի հանրային ընկալումներն արդի Հայաստանում» ատենախոսական աշխատանքի պաշտպանությունը՝

Թ.00.06 – «Մշակութաբանություն» մասնագիտությամբ պատմական գիտությունների թեկնածուի գիտական աստիճանի հայցմամբ:

Ատենախոսությանը կարելի է ծանոթանալ ինստիտուտի գրադարանում:

Մասնագիտական խորհուրդ

Ատենախոսության սեղմագիրը կցված է

2016 թ․ սեպտեմբերի 27-ին ժամը 1400-ին հրավիրվում է ՀՀ ԳԱԱ Հնագիտության և ազգագրության ինստիտուտին առընթեր դոկտորական ատենախոսությունների պաշտպանության մասնագիտական խորհրդի նիստ:

Օրակարգ

Հակոբ Մարտայի Չոլաքյանի «Քեսապ (պատմա-ազգագրական ուսումնասիրություն)» ատենախոսական աշխատանքի պաշտպանությունը պատմական գիտությունների դոկտորի գիտական աստիճանի հայցմամբ, Է.00.04 «Ազգագրություն» մասնագիտությամբ:

Ատենախոսությանը կարելի է ծանոթանալ ինստիտուտի գրադարանում:

Մասնագիտական խորհուրդ

«ԿԱՆԱՅՔ ՊԱՏԵՐԱԶՄՈՒՄ» ԿԱԶՄԱԿԵՐՊՈՒԹՅՈՒՆ (ՓԱՐԻԶ) ԵՎ ՀՀ ԳԱԱ ՀՆԱԳԻՏՈՒԹՅԱՆ ԵՎ ԱԶԳԱԳՐՈՒԹՅԱՆ ԻՆՍՏԻՏՈՒՏ (ԵՐԵՎԱՆ)

ՄԻՋԱԶԳԱՅԻՆ ԳԻՏԱԺՈՂՈՎ, 17-19 սեպտեմբեր, 2016 թ.

ՑԵՂԱՍՊԱՆՈՒԹՅՈՒՆԻՑ ՀԵՏՈ. ԳԵՆԴԵՐԱՑՎԱԾ ՏՐԱՎՄԱՅԻ ՓՈԽԱՆՑՈՒՄՆ ՈՒ ՎԵՐԱԻՄԱՍՏԱՎՈՐՈՒՄԸ

Միջազգային գիտաժողովը նպատակ ունի միավորելու պատմագրական և համեմատական ցեղասպանագիտության տարբեր գիտակարգերով զբաղվող գիտնականների, ակտիվիստների և մասնագետների: Գիտաժողովը հիմնվում է ՄԱԿ-ի Գլխավոր ասամբլեայի կողմից 1948 թ. դեկտեմբերի 9-ին ընդունված թիվ 260 (III) բանաձևի վրա:

Ցեղասպանություն է համարվում հետևյալ գործողություններից ցանկացածը՝ կատարված ազգային, էթնիկական, ցեղային կամ կրոնական որևէ խմբի, որպես այդպիսին, լրիվ կամ մասնակի ոչնչացման մտադրությամբ.

1. այդ խմբի անդամների սպանությունը,
2. այդ խմբի անդամներին լուրջ վնասվածքներ կամ մտավոր վնաս պատճառելը,
3. որևէ խմբի համար կյանքի այնպիսի պայմանների միտումնավոր ստեղծումը, որոնք ուղղված են նրա՝ լրիվ կամ մասնակի ֆիզիկական ոնչացմանը, այդ խմբի միջավայրում մանկածնությունը կանխելուն միտված միջոցների իրականացումը, երեխաների բռնի փոխանցումը մարդկային մի խմբից մյուսին:
4. Գիտաժողովը ուշադրության է հրավիրում գիտնականների, որոնք ուսումնասիրում են անհատի գենդերային խնդիրները, ցեղասպանության քաղաքական ու սոցիալական հետևանքները և ցեղասպանության ստվերի ներքո մեծացած սերնդի փորձառությունները: Քննարկվելիք առանցքային գաղափարներն են՝
5. տրավմա, հիշողություն և ոգեկոչում, ավանդույթների վերաիմաստավորում, հետբախումնային ազգայնականություն և ցեղասպանության գործիքայնացում գենդերային տեսանկյունից, ցեղասպանության մեկնաբանում միջազգային իրավունքում: Ֆեմինիստ մտածողները և ակտիվիստները, պատմաբանները, սոցիոլոգները, մարդաբանները, հոգեբանները, հոգեբույժները, իրավաբանները կներկայացնեն իրենց փորձը և ուսումնասիրությունները:

Դիմումների թեմաները սահմանափակ չեն, բայց հիմնականում պետք է վերաբերեն Հայոց ցեղասպանությանը, Հոլոքոստին, Կամբոջիայում, Բոսնիայում, Ռուանդայում, Լիբերիայում, Կոնգոյի Ազատ Պետությունում (Congo Free State) տեղի ունեցած ցեղասպանություններին, Նամբիայի հերերոների, Ամերիկա և Ավստրալիա մայրցամաքների գաղութացման հետևանքով տեղի ունեցած կոտորածներին:

Չնայած գիտաժողովը վերաբերում է ոչ վաղ անցյալում տեղի ունեցած ցեղասպանություններին, ընթացիք կոտորածների վերաբերյալ դիմումները ևս կդիտարկվեն:

Զեկույցները պետք է վերաբերեն հետևյալ թեմաներին, ընդունվում են նաև այլ առաջարկություններ

Ինչպես են գենդերը և սեռական հարաբերությունների մասին պատկերացումները դառնում ցեղասպանության գործիք

- Ցեղասպանության ֆեմինիստական վերաիմաստավորումը

- Ցեղասպանության «queer» վերաիմաստավորումը

- Գենդերային և սեռական բռնությունները ցեղասպանության ժամանակ

- Ցեղասպանությունների ժամանակ տեղի ունեցած սեռական բռնություններից հետո անհատի ինտեգրումը

- Սեռական բռնությունների հետևանքով ծնված երեխաներ

Ցեղասպանության պատմության և գենդերոմշակութային փորձի վերաշարադրում

- Լեզու, վերբալ հիշողություն, օրորոցային երգեր, մանկական ոտանավորներ

- Ընտանեկան հմտություններ. տուն, խոհարարություն, տոնակատարություններ, մարմին և ծես

- Գիրը որպես կանանց ինքնադրսևորման միջոց

- Ցեղասպանության ճանաչում և զոհերի վիճակագրություն

- Արդյոք ցեղասպանությունը երբևէ՞ վերջ կունենա

- Գաղութացման ժամանակ տեղաբնիկ ցեղերի, Կոնգոյի Ազատ Պետության, Ավստրալիայի, Իսպանական ինկվիզիցիայի մոռացված և մերժված կոտորածների գենդերային մեկնաբանությունները

Ցեղասպանության հետևանքները

- Զոհերի միջսերնդային տրավմա

- Միջսերնդային մեղքի զգացումը ոճրագործների ժառանգների մոտ

- Հիշողության մշակույթի և հաշտեցման վայրի հիմնում

- Տեղեկատվությունը և կրթությունը որպես ցեղասպանությունների կանխարգելման գործիք. կանանց տեղը պատմական նարատիվներում

- Տրավմատիկ հիշողության և գոյատևման ռազմավարությունը գենդերային ինքնության վերահաստատման գործընթացում

Ցեղասպանությունը քաղաքական մտքում և իրավական համակարգում

- Ցեղասպանության ճանաչման և գենդերային ընկալումների հատման ասպեկտները և գրաքննության ու ժխտման քաղաքական գինը

- Ցեղասպանություն և միջազգային իրավունք. կանանց պահանջների և արդարադատության հասանելիությունը

- Ցեղասպանության փորձը որպես քաղաքական և ազգային պահանջ. գենդերի տեղը գործիքայնացված ավանդույթում

- Հետցեղասպանական ժամանակաշրջանում միջազգային մարդասիրական միջամտության գենդերային հարթությունը

- Գենդերային զգայական փոխհատուցումը

Չպատմված պատմություններ

- Մեծանալով ցեղասպանության ստվերում. չասվածի բազմաձևությունը

- Ընտանեկան գաղտնիքների բացահայտումը. երբ թաքնված ինքնությունը բացահայտվում է

- Երբ վերջին ականատեսը մահանում է. ընտանեկան հիշողության կառուցումը:

Գիտաժողովը կազմակերպել է Փարիզի «Կանայք պատերազմում» ՊՈԱԿ-ը, որը զբաղվում է գենդերային և ռազմական բախումների ուսումնասիրությամբ: Գիտաժողովի ղեկավարը պատմաբան և սոցիոլոգ դոկտոր Կարոլ Մանն է, որը համագործակցում է Սարաևոյի (ղեկավար՝ Ներմինա Թրբոնյա) և Բեյրութի (ներկայացուցիչ՝ Եղիա Թաշճյան) մասնաճյուղերի հետ: Երևանի ներկայացուցիչներն են Նոնա Շահնազարյանը և Հասմիկ Գրիգորյանը:

2014-2018 թթ. «Կանայք պատերազմում» կազմակերպությունն անց է կացնում լայնածավալ միջազգային գիտաժողովներ` Առաջին համաշխարհային պատերազմում կանանց դերի վերաբերյալ: Գիտաժողովները տեղի են ունենում խորհրդանշական վայրերում` համագործակցելով տեղի համալսարանների հետ (Սարաևոյի համալսարան, Բեյրութի լիբանանա-ամերիկյան համալսարան): Գիտաժողովին հնարավոր կլինի հետևել առցանց:

ՀԱՅՏԻ ԴԻՄՈՒՄ

Հայտերը (անգլերեն կամ ֆրանսերեն) և սեղմ կենսագրությունները պետք է ուղարկել մինչև դեկտեմբերի 30-ը հետևյալ հասցեով` infoATwomeninwar.org

Խնդրում ենք Ձեր անունը գրել էլեկտրոնային նամակի «թեմա» բաժնում:

Հարցերի համար կարող եք գրել նույն հասցեով:

Բոլոր թեկնածուները կտեղեկացվեն մինչև փետրվարի 1-ը:

Զեկուցումները պետք է ուղարկվեն մինչև մարտի 1-ը: Ընտրված զեկույցները կհրատարակվեն գիտաժողովից անմիջապես հետո:

2016 թ․ հուլիսի 14-ին ժամը 14:00-ին հրավիրվում է ՀՀ ԳԱԱ Հնագիտության և ազգագրության ինստիտուտին առընթեր ատենախոսությունների պաշտպանության մասնագիտական խորհրդի նիստ:

Օրակարգ

ԳՐԵԿՅԱՆ ԵՐՎԱՆԴ ՀԱՄԲԱՐՁՈՒՄԻ «ԲԻԱՅՆԻԼԻ-ՈՒՐԱՐՏՈՒ. ՊԵՏՈՒԹՅՈՒՆ ԵՎ ՀԱՍԱՐԱԿՈՒԹՅՈՒՆ (ՊԱՏՄԱՀՆԱԳԻՏԱԿԱՆ ՈՒՍՈՒՄՆԱՍԻՐՈՒԹՅՈՒՆ)» ատենախոսական աշխատանքի պաշտպանությունը Է. 00.03. «Հնագիտություն» մասնագիտությամբ պատմական գիտությունների դոկտորի գիտական աստիճանի հայցման համար:

Ատենախոսությանը կարելի է ծանոթանալ ինստիտուտի գրադարանում:

Մասնագիտական խորհուրդ

Երք, 06/28/2016 - 14:00 - 15:30
2016 թ․ հունիսի 28-ին ժամը 14:00-ին հրավիրվում է ՀՀ ԳԱԱ Հնագիտության և ազգագրության ինստիտուտին առընթեր ատենախոսությունների պաշտպանության մասնագիտական խորհրդի նիստ:

Օրակարգ

Մարգարյան Լևոն Նիկոլի «Հանրային տարածքների փոխակերպումները Երևանում» Է00.04 «Ազգագրություն» մասնագիտությամբ պատմական գիտությունների թեկնածուի գիտական աստիճանի հայցման ատենախոսության պաշտպանությունը:

Ատենախոսությանը կարելի է ծանոթանալ ինստիտուտի գրադարանում:

2016թ. հունիսի 21-ին, ժամը 14:00-ին տեղի կունենա ինստիտուտի գիտական խորհրդի նիստ:

Օրակարգ.  Ընթացիկ հարցեր

Տնօրինություն

2016 թ․ հունիսի 14-ին ժամը 12:00-ին հրավիրվում է ՀՀ ԳԱԱ Հնագիտության և ազգագրության ինստիտուտին առընթեր ատենախոսությունների պաշտպանության մասնագիտական խորհրդի նիստ:

Օրակարգ

Հոջջաթ Նիքնաֆսի «Արասբարան ցեղի ընտանեկան ծիսակարգը և տոները» ատենախոսական աշխատանքի պաշտպանությունը Է.00.04 «Ազգագրություն» մասնագիտությամբ պատմական գիտությունների թեկնածուի գիտական աստիճանի հայցման համար:

Ատենախոսությանը կարելի է ծանոթանալ ինստիտուտի գրադարանում:

Մասնագիտական խորհուրդ

2016 թ․ հունիսի 14-ին ժամը 14:00-ին հրավիրվում է ՀՀ ԳԱԱ Հնագիտության և ազգագրության ինստիտուտին առընթեր ատենախոսությունների պաշտպանության մասնագիտական խորհրդի նիստ:

Օրակարգ

Ինստիտուտի աշխատակից Նժդեհ Աշոտի Երանյանի «Դաշտային Արցախի մարդակերպ կոթողները. տեղագրությունը, տիպաբանությունը, գործառույթը, պատմամշակույթային կոնտեքստը» ատենախոսական աշխատանքի պաշտպանությունը պատմական գիտությունների թեկնածուի գիտական աստիճանի հայցմամբ:

Ատենախոսությանը կարելի է ծանոթանալ ինստիտուտի գրադարանում:

Մասնագիտական խորհուրդ

Լույս է տեսել մեր ինստիտուտի աշխատակից Արմեն Սարգսյանի «Մանկական զվարճախոսություններ» գիրքը:

Սարգսյան Ա․Շ․ 2016. Մանկական զվարճախոսություններ․ Երևան, «Գիտություն»:

Աշխատությունը հասանելի է ինստիտուտի գրադարանում:

Հարգելի գործընկերներ

ս/թ. ապրիլի 28-ին, ժամը 14:00-ին հրավիրում ենք մասնակցելու ՀՈՎՍԵՓ ՀԱՅՐԵՆԻ հեղինակած «ՎԵՐԻՆ ԵՓՐԱՏԻ ՀԱՅԵՐԸ 1915թ. ԵՎ ԴԵՐՍԻՄ» գրքի շնորհանդեսին”: Շնորհանդեսը տեղի կունենա ինստիտուտի գրադարանում:

Հովսեփ Հայրենիի` երկար տարիների աշխատանքի արդյունք հանդիսացող «Վերին Եփրատի հայերը 1915թ. և Դերսիմ» աշխատությունը ևս մեկ անդրադարձ է մեր պատմության սև ու արյունոտ էջերին: Գրքում ամենայն մանրամասնությամբ` գրեթե գյուղ առ գյուղ նկարագրված են Վերի Եփրատի ավազանի բնակավայրերում սուլթան Աբդուլ Համիդ 2-րդի օրոք կազմակերպված` 1894-96թթ. կոտորածները, ինչպես նաև 1915թ. երիտթուրք կառավարության կողմից իրականացված ցեղասպանությունը:

Միաժամանակ հեղինակը ներկայացնում է տվյալ ժամանակաշրջանում հայ քաղաքական կուսակցությունների գործունեությունը` քննադատելով նրանց ցեղասպանությունը չկանխատեսելու և ինքնապաշտպանությունը հարկ եղածին պես չկազմակերպելու համար, ապա կոչ է անում հաշվի առնելով անցյալի դասերը այլևս երբեք չկրկնել դրանք: Հատուկ ուշադրություն է դարձվում Դերսիմի շրջանի աշխարհագրական դիրքի ու այնտեղ ապրողների կատարած դերին` թեկուզ և քիչ թվով հայերի փրկության հարցում:

Գրքում նկարագրվում է նաև Դերսիմի 1938թ. կոտորածը, ինչը, ըստ հեղինակի, հանդիսանում էր 1915թ. ցեղասպանության շարունակությունը, և շեշտվում է ընդհանուր ցավն ապրած ժողովուրդների միավորման ու համագործակցության անհրաժեշտությունն ու կարևորությունը:

Աշխատությունը մեծապես հիմնված է ականատեսների վկայությունների ու հրապարկված փաստերի վրա, որոնց մեծ մասն առաջին անգամ է ներկայացվում թուրքերեն թարգմանությամբ:

Ս.Թ. ապրիլի 5-ին, երեքշաբթի, ժամը 12:00-ին վաղ հնագիտության բաժնում տեղի կունենա սեմինար:
Թեման. - «Հեռակառավարվող թռչող սարքերի օգտագործումը հնագիտական աշխատանքների ընթացքում» Ա. Մկրտչյան:

Հարգելի գործընկերներ

ս/թ. ապրիլի 28-ին, ժամը 14:00-ին հրավիրում ենք մասնակցելու ՀՈՎՍԵՓ ՀԱՅՐԵՆԻ հեղինակած «ՎԵՐԻՆ ԵՓՐԱՏԻ ՀԱՅԵՐԸ 1915թ. ԵՎ ԴԵՐՍԻՄ» գրքի շնորհանդեսին”:  Շնորհանդեսը տեղի կունենա ինստիտուտի գրադարանում:

Հովսեփ Հայրենիի` երկար տարիների աշխատանքի արդյունք հանդիսացող «Վերին Եփրատի հայերը 1915թ. և Դերսիմ» աշխատությունը ևս մեկ անդրադարձ է մեր պատմության սև ու արյունոտ էջերին: Գրքում ամենայն մանրամասնությամբ` գրեթե գյուղ առ գյուղ նկարագրված են Վերի Եփրատի ավազանի բնակավայրերում սուլթան Աբդուլ Համիդ 2-րդի օրոք կազմակերպված` 1894-96թթ. կոտորածները, ինչպես նաև 1915թ. երիտթուրք կառավարության կողմից իրականացված ցեղասպանությունը:

Միաժամանակ հեղինակը ներկայացնում է տվյալ ժամանակաշրջանում հայ քաղաքական կուսակցությունների գործունեությունը` քննադատելով նրանց ցեղասպանությունը չկանխատեսելու և ինքնապաշտպանությունը հարկ եղածին պես չկազմակերպելու համար, ապա կոչ է անում հաշվի առնելով անցյալի դասերը այլևս երբեք չկրկնել դրանք: Հատուկ ուշադրություն է դարձվում Դերսիմի շրջանի աշխարհագրական դիրքի ու այնտեղ ապրողների կատարած դերին` թեկուզ և քիչ թվով հայերի փրկության հարցում:

Գրքում նկարագրվում է նաև Դերսիմի 1938թ. կոտորածը, ինչը, ըստ հեղինակի, հանդիսանում էր 1915թ. ցեղասպանության շարունակությունը, և շեշտվում է ընդհանուր ցավն ապրած ժողովուրդների միավորման ու համագործակցության անհրաժեշտությունն ու կարևորությունը:

Աշխատությունը մեծապես հիմնված է ականատեսների վկայությունների ու հրապարկված փաստերի վրա, որոնց մեծ մասն առաջին անգամ է ներկայացվում թուրքերեն թարգմանությամբ: