Իրադարձություններ
«Հնագիտական հուշարձանների պաթոլոգիա. Զորաց քարեր համալիրի հրատապ ամրակայումը» թեմայով բանախոսություն
Հնագիտության և ազգագրության ինստիտուտի ընթերցասրահում կայացավ հերթական սեմինարը։ ՀԱԻ Ճարտարապետական մոդելավորման գիտահետազոտական խմբի նախաձեռնությամբ՝ «Հնագիտական հուշարձանների պաթոլոգիա. Զորաց քարեր համալիրի հրատապ ամրակայումը» թեմայով բանախոսությամբ հանդես եկավ Ճարտարապետության և շինարարության Հայաստանի ազգային համալսարանի(ՃՇՀԱՀ) ճարտարապետության տեսության, ժառանգության և պատմության ամբիոնի դասախոս, ճ․ գ․ թ․ Դավիթ Նահատակյանը։ ՀԱԻ Ճարտարապետական մոդելավորման գ/հ խմբի ղեկավրր Արտակ Հախվերդյանը ներկայացրեց բանախոսին՝ կարևորելով հնագետների և ճարտարապետների համագործակցությունը։ Բանախոսության ընթացքում Դ․ Նահապետյանը զուգահեգներ անցկացրեց արտերկրում և մեր հայրենիքում հնագիտական պեղումներ իրականացված հնավայրերի և դրանց հետագա պահպանության խնդիրների միջև՝ ըստ Luigi Marino-ի «Material for an atlas of pathologies in archeological areas and ruined buildings» աշխատության։ Բանախոսը կարևորեց պեղումների ընթացքում և դրանից հետո հնավայրերի ճիշտ պահպանության հարցը։ Անդրադառնալով «Զորաց քարեր համալիրի հրատապ ամրակայումը» թեմային՝ ներկայացրեց 2013-2018թթ ընթացքում այստեղ կատարված պեղումներից հետո իրականացված ամրաշինական աշխատանքները:
2024-09-12
Հնագիտական պեղումներ՝ Նոր Արմավիր գյուղի տարածքում
ՀՀ ԳԱԱ Հնագիտության և ազգագրության ինստիտուտի հնագիտական արշավախումբը՝ պ. գ. թ., ՀԱԻ ավագ գիտաշխատող Սիմոն Հմայակյանի ղեկավարությամբ, այժմ աշխատում է Արմավիրի մարզի Նոր Արմավիր գյուղի տարածքում: Այստեղ՝ Հովհաննիսյանների այգում շինարարական աշխատանքներ կատարելիս բացվել է նոր դամբարան: Դեռևս 1986 թվականին նույն այգում հայտնաբերվել էր մի դամբարան՝ կարասային թաղումով: Այժմ հնագետներն զբաղված են նոր գտնված դամբարանի պեղմամբ և ուսումնասիրմամբ: Արշավախմբի հիմնական կազմում են Նվարդ Տիրացյանը, Մարգար Հմայակյանը, Նվարդ Հովհաննիսյանը: Պեղումներին երբեմն մասնակցում են նաև ուսանողներ:
2024-08-26
«Ռուսաստան․ «ավանդական արժեքները» երևակայական համայնքի խոսույթում» սեմինար-քննարկում
Օգոստոսի 20-ին ՀՀ ԳԱԱ Հնագիտության և ազգագրության ինստիտուտում կայացավ «Ռուսաստան․ «ավանդական արժեքները» երևակայական համայնքի խոսույթում» սեմինար-քննարկումը։ Դասախոսությամբ հանդես եկավ Մեծ Բրիտանայի Բաթի համալսարանի դասախոս Իվան Գոլոլոբովը։ Բանախոսն անդրադարձավ դեռևս խորհրդային տարիներին ռուսական պետության քաղաքական գաղափարախոսությանը՝ Մարսիզմ-Լենինիզմին։ «Արդեն անկախ Ռուսաստանի դեպքում «Ավանդական արժեքների» խոսույթը, որը տեղափոխվել է ռուսական քաղաքականության կենտրոն, վերջին մի քանի տարիներին սովորաբար համարվում են պահպանողական, ազգայնական ուժերին դիմելու փորձ։ Սակայն, «ավանդական արժեքների» խոսույթն իրականում հակառակ ազդեցությունն է ունենում․ դա ուտոպիստական նախագիծ է».-նշեց Ի․ Գոլոլոբովը ։ Բանախոսությունն ավարտվեց հարց ու պատասխանով:
2024-08-20
ՀԱԻ արշավախումբը պեղումներ է իրականացնում Արարատի մարզի Լանջանիստ գյուղի «Սպիտակ վանք» համալիրում
Հնագիտության և ազգագրության ինստիտուտի արշավախումբը պեղումներ է իրականացնում Արարատի մարզի Լանջանիստ գյուղի «Սպիտակ վանք» համալիրում (ղեկ. պ.գ.թ. Դ.Միրիջանյան): Այն բաղկացած է Ս. Աստվածածին եկեղեցուց, հարակից տապանաբակից, օժանդակ շինություններից: Ս. Աստվածածին եկեղեցին թվագրվում է 14-րդ դ. սկզբով՝ կառուցված է սպիտակ, սրբատաշ ավազաքարով, որից էլ առաջացել է ժողովրդական անունը՝ Սպիտակ վանք: Պեղումների ուշագրավ արդյունքներից է նորահայտ եկեղեցին, որը բացվել է Ս. Աստվածածին եկեղեցու հյուսիսային կողմում: Նորահայտ եկեղեցու պատերը պահպանվել են գրեթե 1.5 մ բարձրությամբ, խորանին իր տեղում հայտնաբերվել է Սուրբ սեղանը, իսկ հյուսիսային պատին՝ մկրտության ավազանը: Պեղումների արդյունքում հայտնաբերվել են նաև բազմաթիվ տապանաքարեր, որոնցից որոշները կրում եմ մարդու սխեմատիկ պատկերներ, ինչը բնորոշ է 13-14-րդ դդ., ինչպես նաև մեկ մոնղոլական դրամ:
2024-08-05
Շարունակվում է Շիրակի մարզի Լեռնակերտի հուշարձանախմբի պեղումները
Հնագիտության և ազգագրության ինստիտուտի և Գերմանիայի հնագիտական ինստիուտի Եվրասիական բաժանմունքի միջև համագործակցության շրջանակներում շարունակվում է Շիրակի մարզի Լեռնակերտի հուշարձանախմբի պեղումները: 2024 թվականին պեղվում է Լեռնակերտի բրոնզ-երկաթեդարյան մեծ դամբանաբլուրը: Արշավախմբի համաղեկավարներ՝ պ․գ․թ․ Բենիկ Վարդանյան և պ․գ․դ․, պրոֆ․ Սաբինե Ռայնհոլդ: Պեղումներին մասնակցում են հնագետներ Մարիամ Սարիբեկյանը (ՀԱԻ), Աստղ Պողոսյանը (ՀՊԹ), IT-մասնագետ Դիրք Մարիաշկը (ԳՀԻ), ուսանողներ Սաթենիկ Մկրտչյանը (ԳԱԱ Մոլեկուլային կենսաբանության ինստիտուտ) և Մաքսիմիլիան Ֆոիթը (Հումբոլդտի համալսարան)։
2024-08-04
Շարունակվում են Արտաշատի Գետամերձ թաղամասի հնագիտական աշխատանքները
Շարունակվում են Արտաշատի Գետամերձ թաղամասի հնագիտական աշխատանքները... Արշավախմբի ղեկավար ՀԱԻ Հին հնագիտության բաժնի վարիչ Մկրտիչ Զարդարյան, ճարտարապետներ՝ Գևորգ Գյուլամիրյան, Ամինա Կանեցյան, վերականգնող՝ Տիգրան Իսահակյան, հնագետներ՝ Հայկ Գյուլամիրյան, Նարինե Սարգսյան
2024-07-30
