Իրադարձություններ
«Երկրագործությունը և սննդի սպառումը նախապատմական Հարավային Կովկասում»
Վարշավայի համալսարանի Միջերկրական հնագիտության լեհական կենտրոնի հրավերով ս․թ․ մայիսի 23-ին Հնագիտության և ազգագրության ինստիտուտի Հնակենսաբանության և էթնոկենսաբանության գիտահետազոտական խմբի ղեկավար, կ․գ․թ․ Ռոման Հովսեփյանը Վարշավայի համալսարանում հանդես է եկել բաց դասախոսությամբ՝ «Երկրագործությունը և սննդի սպառումը նախապատմական Հարավային Կովկասում» թեմայով։ Միջոցառումը անց է կացվել «Մենթոր» ծրագրի շրջանակներո
2024-05-29
Վարշավայի համալսարանում կնքվեց համագործակցության հուշագիր
Ս.թ. մայիսի 23-ին Վարշավայի համալսարանում կնքվեց համագործակցության հուշագիր՝ մի կողմից Վարշավայի համալսարանի, հանձին ռեկտոր Ալոյցի Նովակի, մյուս կողմից՝ «ՀՀ ԳԱԱ Հնագիտության և ազգագրության ինստիտուտի», հանձին տնօրեն Արսեն Բոբոխյանի, ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայության», հանձին տնօրեն Արմեն Հովհաննիսյանի և «Սարդարապատի հերոսամարտի հուշահամալիր, հայոց ազգագրության և ազատագրական պայքարի պատմության ազգային թանգարանի», հանձին տնօրեն Կարեն Փահլևանյանի, միջև: Կնքման արարողությանը ներկա էր Լեհաստանի Հանրապետությունում ՀՀ արտակարգ և լիազոր դեսպան Ալեքսանդր Արզումանյանը: Հուշագրի նպատակն է զարգացնել հայ-լեհական համագործակցությունը հնագիտության, հուշարձանապահպանության և թանգարանագիտության ոլորտներում: Հաջորդիվ տեղի ունեցավ աշխատաժողով՝ նվիրված երկաթեդարյան Հայաստանի խեցեղենի արտադրության, բաշխման և օգտագործման օրինաչափություններին: Հատուկ դասախոսությամբ հանդես եկավ ինստիտուտի Հնակենսաբանության և էթնոկենսաբանության գիտահետազոտական խմբի ղեկավար Ռոման Հովսեփյանը՝ «Երկրագործությունը և սննդի սպառումը նախապատմական Հարավային Կովկասում» թեմայով:
2024-05-27
Արտաշես Նազինյանի ծննդյան 100-ամյա հոբելյանին նվիրված «Հեքիաթի բանահյուսական քննություն․ ժանրային խաչաձևումներ և փոխակերպումներ» խորագրով միջազգային գիտաժողով
Հնագիտության և ազգագրության ինստիտուտում մայիսի 25-ին մեկնարկեց «Հեքիաթի բանահյուսական քննություն․ ժանրային խաչաձևումներ և փոխակերպումներ» թեմայով միջազգային գիտաժողովը: Հայ բանագիտության երախտավոր Արտաշես Նազինյանի ծննդյան 100-ամյա հոբելյանին նվիրված գիտաժողովին մասնակցում են բնագավառը ներկայացնող մոտ երեք տասնյակ մասնագետ Հայաստանից և Վրաստանից։ Գիտաժողովին բացման խոսքով հանդես եկավ ՀԱԻ Բանահյուսության տեքստաբանության բաժնի վարիչ, բ․գ․դ․ Թամար Հայրապետյանը՝ ներկայացնելով Ա. Նազինյանի կենսագրությունը: Ներկաներին ողջունեց և գիտաժողովին բարի երթ մաղթեց ՀԱԻ գիտական ղեկավար, բ․գ․դ․ Պավել Ավետիսյանը, այնուհետև ելույթներով հանդես եկան բանախոսները: Առաջին նիստը վարում էր Բանահյուսության տեքստաբանության բաժնի գիտաշխատող Սիրանուշ Առաքելյանը:
2024-05-25
Արցախյան հնագիտական պեղումների նյութերը ռուսական և եվրոպական թանգարաններում. բանախոսություն
Մայիսի 20-ին ՀՀ ԳԱԱ Հնագիտության և ազգագրության ինստիտուտի գրադարանում տեղի ունեցավ սեմինար Արցախի պատմամշակութային ժառանգության ուսումնասիրության գիտահետազոտական խմբի նախաձեռնությամբ։ «Արցախյան հնագիտական պեղումների նյութերը ռուսական և եվրոպական թանգարաններում» թեմայով բանախոսությամբ հանդես եկավ պ․գ․թ․ Նժդեհ Երանյանը:
2024-05-20
Հրազդանի երկրագիտական թանգարանում բացվեց Հայաստանի անտիկ շրջանի թաղման ծեսը պաստառներով ներկայացնող ժամանակավոր ցուցահանդես
Ս.թ. մայիսի 18-ին Թանգարանների միջազգային օրվան նվիրված միջոցառումների և ՀՀ ԳԱԱ Հնագիտության և ազգագրության ինստիտուտի ու Հայաստանի պատմության թանգարանի միջև համագործակցության շրջանակում ՀՊԹ մասնաճյուղ Հրազդանի երկրագիտական թանգարանում բացվեց Հայաստանի անտիկ շրջանի թաղման ծեսը պաստառներով ներկայացնող ժամանակավոր ցուցահանդեսը: Ցուցահանդեսի համակարգող ՀԱԻ ավագ գիտաշխատող Արմինե Գաբրիելյանը հանդես եկավ Գառնիի 2022թ. փրկարարական պեղումների մասին դասախոսությամբ, որից հետո միջոցառման մասնակիցների հետ թանգարանի սրահներում շրջայցի ընթացքում ակտիվ հարցուպատասխան և քննարկում եղավ:
2024-05-18
Արցախի Տիգրանակերտի հնագիտական հետազոտությունն ամփոփող եռալեզու կայքի շնորհանդեսը
Մայիսի 17-ին ԵՊՀ պատմության ֆակուլտետի գրադարանում տեղի ունեցավ Արցախի Տիգրանակերտի հնագիտական հետազոտությունն ամփոփող եռալեզու կայքի շնորհանդեսը (https://tigranakert.org/ ): Ներկա էին ՀՀ ԿԳՄՍՆ ներկայացուցիչներ, ուսանողներ, դասախոսներ և այլ հյուրեր: Կայքը ներկայացրեց Տիգրանակերտի արշավախմբի ղեկավար, Հնագիտության և ազգագրության ինստիտուտի Արցախի պատմամշակութային ժառանգության ուսումնասիրության գ/հ խմբի ղեկավար, պ․գ․դ․, պրոֆեսոր Համլետ Պետրոսյանը: Կայքի կայացումը ողջունեց և շնորհավորեց ԵՊՀ պատմության ֆակուլտետի դեկան Մխիթար Գաբրիելյանը: Իր ելույթում Հ. Պետրոսյանը նշեց, որ Հայոց արքա Տիգրան Բ Մեծի կողմից Արցախում հիմնած Տիգրանակերտ քաղաքի հնագիտական հետքերը ՀՀ ԳԱԱ Հնագիտության և ազգագրության ինստիտուտի Արցախի արշավախումբը վավերացրել է 2005 թվականին: Արշավախումբը 2006-2020 թվականներին ընդարձակ հնագիտական պեղումներ է իրականացրել քաղաքի տարածքում և շրջակայքում: Արցախի Տիգրանակերտի հնագիտական հետազոտությունն Արցախում երբևէ նախաձեռնած ամենաընդարձակ հնագիտական Նախագիծն էր: Այն հնարավորություն ընձեռեց Արցախ-Ուտիքը ներկայացնել ոչ թե որպես Հայաստանի մի ծայրագավառ, այլ շատ ավելի ընդարձակ քաղաքակրթական համատեքստի մի մաս, որի ռազմական, տնտեսական և մշակութային կենտրոններից մեկն էլ Տիգրանակերտն էր: Արշավախմբի մշտական կազմի մեջ են եղել ճարտարապետության դոկտոր, պրոֆեսոր Լյուբա Կիրակոսյանը, պ․գ․թ․, դոցենտ Վարդգես Սաֆարյանը, պատմական գիտությունների թեկնածուներ Տատյանա Վարդանեսովան, Ինեսա Կարապետյանը, Արմինե Գաբրիելյանը, Նժդեհ Երանյանը, Ռուբեն Հովսեփյանը, ասպիրանտ Համազասպ Աբրահամյանը։ Արշավախմբի աշխատանքներին մասնակցել են նաև պ․գ․դ․ Աշոտ Փիլիպոսյանը, պատմական գիտությունների թեկնածուներ Ժորես Խաչատրյանը, Աղավնի ժամկոչյանը, Նորա Ենգիբարյանը, Ռոման Հովսեփյանը, Հասմիկ Մարգարյանը, Ռուբեն Վարդանյանը, Հայկ Հակոբյանը, Երևանի պետական համալսարանի և Արցախի պետական համալսարանի մի շարք ուսանողներ: Արշավախմբի աշխատանքներին կարճատև մասնակցություն են ունեցել Սորբոնի համալսարանի (Ֆրանսիա) Հռոմի պատմության պրոֆեսոր, հայագետ Ջուստո Տրաինան, Ֆլորենցիայի համալսարանի հնագետներ Սառա Չամպին և Ֆրանչեսկա Քելին, մարդաբան Պոլ Բեյլին:
2024-05-17
