Իրադարձություններ
«Ռուսաստան․ «ավանդական արժեքները» երևակայական համայնքի խոսույթում» սեմինար-քննարկում
Օգոստոսի 20-ին ՀՀ ԳԱԱ Հնագիտության և ազգագրության ինստիտուտում կայացավ «Ռուսաստան․ «ավանդական արժեքները» երևակայական համայնքի խոսույթում» սեմինար-քննարկումը։ Դասախոսությամբ հանդես եկավ Մեծ Բրիտանայի Բաթի համալսարանի դասախոս Իվան Գոլոլոբովը։ Բանախոսն անդրադարձավ դեռևս խորհրդային տարիներին ռուսական պետության քաղաքական գաղափարախոսությանը՝ Մարսիզմ-Լենինիզմին։ «Արդեն անկախ Ռուսաստանի դեպքում «Ավանդական արժեքների» խոսույթը, որը տեղափոխվել է ռուսական քաղաքականության կենտրոն, վերջին մի քանի տարիներին սովորաբար համարվում են պահպանողական, ազգայնական ուժերին դիմելու փորձ։ Սակայն, «ավանդական արժեքների» խոսույթն իրականում հակառակ ազդեցությունն է ունենում․ դա ուտոպիստական նախագիծ է».-նշեց Ի․ Գոլոլոբովը ։ Բանախոսությունն ավարտվեց հարց ու պատասխանով:
2024-08-20
ՀԱԻ արշավախումբը պեղումներ է իրականացնում Արարատի մարզի Լանջանիստ գյուղի «Սպիտակ վանք» համալիրում
Հնագիտության և ազգագրության ինստիտուտի արշավախումբը պեղումներ է իրականացնում Արարատի մարզի Լանջանիստ գյուղի «Սպիտակ վանք» համալիրում (ղեկ. պ.գ.թ. Դ.Միրիջանյան): Այն բաղկացած է Ս. Աստվածածին եկեղեցուց, հարակից տապանաբակից, օժանդակ շինություններից: Ս. Աստվածածին եկեղեցին թվագրվում է 14-րդ դ. սկզբով՝ կառուցված է սպիտակ, սրբատաշ ավազաքարով, որից էլ առաջացել է ժողովրդական անունը՝ Սպիտակ վանք: Պեղումների ուշագրավ արդյունքներից է նորահայտ եկեղեցին, որը բացվել է Ս. Աստվածածին եկեղեցու հյուսիսային կողմում: Նորահայտ եկեղեցու պատերը պահպանվել են գրեթե 1.5 մ բարձրությամբ, խորանին իր տեղում հայտնաբերվել է Սուրբ սեղանը, իսկ հյուսիսային պատին՝ մկրտության ավազանը: Պեղումների արդյունքում հայտնաբերվել են նաև բազմաթիվ տապանաքարեր, որոնցից որոշները կրում եմ մարդու սխեմատիկ պատկերներ, ինչը բնորոշ է 13-14-րդ դդ., ինչպես նաև մեկ մոնղոլական դրամ:
2024-08-05
Շարունակվում է Շիրակի մարզի Լեռնակերտի հուշարձանախմբի պեղումները
Հնագիտության և ազգագրության ինստիտուտի և Գերմանիայի հնագիտական ինստիուտի Եվրասիական բաժանմունքի միջև համագործակցության շրջանակներում շարունակվում է Շիրակի մարզի Լեռնակերտի հուշարձանախմբի պեղումները: 2024 թվականին պեղվում է Լեռնակերտի բրոնզ-երկաթեդարյան մեծ դամբանաբլուրը: Արշավախմբի համաղեկավարներ՝ պ․գ․թ․ Բենիկ Վարդանյան և պ․գ․դ․, պրոֆ․ Սաբինե Ռայնհոլդ: Պեղումներին մասնակցում են հնագետներ Մարիամ Սարիբեկյանը (ՀԱԻ), Աստղ Պողոսյանը (ՀՊԹ), IT-մասնագետ Դիրք Մարիաշկը (ԳՀԻ), ուսանողներ Սաթենիկ Մկրտչյանը (ԳԱԱ Մոլեկուլային կենսաբանության ինստիտուտ) և Մաքսիմիլիան Ֆոիթը (Հումբոլդտի համալսարան)։
2024-08-04
Շարունակվում են Արտաշատի Գետամերձ թաղամասի հնագիտական աշխատանքները
Շարունակվում են Արտաշատի Գետամերձ թաղամասի հնագիտական աշխատանքները... Արշավախմբի ղեկավար ՀԱԻ Հին հնագիտության բաժնի վարիչ Մկրտիչ Զարդարյան, ճարտարապետներ՝ Գևորգ Գյուլամիրյան, Ամինա Կանեցյան, վերականգնող՝ Տիգրան Իսահակյան, հնագետներ՝ Հայկ Գյուլամիրյան, Նարինե Սարգսյան
2024-07-30
«Հայ-գերմանական գիտության օրեր» միջոցառում
Հունիսի 27-ին Երևանի պետական համալսարանի գիտական խորհրդի նիստերի դահլիճում իր աշխատանքներն սկսեց «Հայ-գերմանական գիտության օրեր» խորագրով միջոցառումը, որը կշարունակվի նաև հունիսի 28-ին: Միջոցառմանը մասնակցում էին ՀՀ-ում գործող տարբեր գիտական կազմակերպություններ։ Կայացած գիտաժողովին զուգահեռ՝ մասնակից կազմակերպություններն ունեին տաղավարներ գիտխորհրդի դահլիճին լից տարածքում և ներկայացրել էին իրենց արտադրանքը, հնարավորությունները։ Առանձին տաղավար ուներ նաև ՀՀ ԳԱԱ Հնագիտության և ազգագրության ինստիտուտը՝ տնօրեն Արսեն Բոբոխյանի գլխավորությամբ։ Ա․ Բոբոխյանը նույնպես մասնակցեց գիտաժողովին, այնուհետև ՀԱԻ տաղավարի մոտ օտարերկրացի գիտնականներին ներկայացրեց ցուցադրված հնագիտական նյութերը՝ հայտնաբերված ինստիտուտի կողմից իրականացրած պեղումների ընթացքում։
2024-07-27
Ագարակում շարունակվում են վաղմիջնադարյան համալիրի ամրակայման աշխատանքները
Ագարակում շարունակվում են վաղմիջնադարյան համալիրի ամրակայման աշխատանքները Հնագիտության և ազգագրության ինստիտուտի գիտական ղեկավար, պ.գ.դ. Պավել Ավետիսյանի (Պավել Ավետիսյան)հեղինակային վերահսկողությամբ: Աշխատանքերում ընդգրկված է նաև ճարտարապետ, ՀԱԻ Ճարտարապետական մոդելավորման գիտահետազոտական խմբի գիտաշխատող Լիլիթ Տեր-Մինասյանը: Ագարակի վաղմիջնադարյան համալիրը տվյալ ժամանակաշրջանից մեզ հայտնի եզակի կառույց է, որը պեղվել է 2013 թվականին՝ Նորա Ենգիբարյանի կողմից: Պահպանության և ամրակայման նախագծի հեղինակն է երջանկահիշատակ իտալացի մասնագետ Լուչիո Սպեկան և հնագետ Արթուր Պետրոսյանը. նախագծին մասնակցել նաև ճարտարապետ Սոսե Աղայանը: 3D վերականգնումը` Lilit Ter-Minasyan-ի
2024-07-27
